എംപിയുടെ കാലു കഴുകിയ വെള്ളം കുടിച്ച് ബിജെപി പ്രവര്ത്തകന്; വീഡിയോ സോഷ്യൽമീഡിയയിൽ വൈറലായതോടെ ന്യായീകരണവുമായി എംപി
ബിജെപി എംപിയുടെ കാലു കഴുകിയ ശേഷം ആ വെള്ളം കുടിച്ച് ബിജെപി പ്രവര്ത്തകന്. ജാര്ഖണ്ഡിലെ ഗോഡ്ഡയിലാണ് രാജ്യത്തെ ആകെ നാണക്കേടിലാഴ്ത്തിയ പ്രവൃത്തി നടന്നത്. ബിജെപി എംപിയായ നിഷികാന്ത് ദുബേ സ്വന്തം മണ്ഡലമായ ഗോഡ്ഡയില് പ്രചാരണ പരിപാടിക്ക് എത്തിയതായിരുന്നു. പ്രസംഗം അവസാനിപ്പിച്ചതിന് പിന്നാലെ ബിജെപി പ്രവര്ത്തകനായ പവന് സാഹി തളികയുമായി വന്ന് കാല് കഴുകാന് തുടങ്ങി. തുടര്ന്ന് കാല് തുണി കൊണ്ട് തുടക്കുകയും ആ അഴുക്കു വെള്ളം ഇയാള് കുടിക്കുകയുമായിരുന്നു. പ്രവര്ത്തകന് കാല് കഴുകുന്ന ചിത്രം എംപി തന്റെ ഫേസ്ബുക്കില് പോസ്റ്റ് ചെയ്യുകയും ചെയ്തു.
കാല് കഴുകി വെള്ളം കുടിക്കുന്നതിന്റെ വീഡിയോ സാമൂഹ്യമാധ്യമങ്ങളില് വൈറലായതോടെയോടെ എംപിക്കെതിരെ രൂക്ഷവിമര്ശനമുയര്ന്നു. ഇതോടെ ന്യായീകരണവുമായി എംപി രംഗത്തെത്തി. അനുയായികള്ക്ക് തന്നോട് സ്നേഹമുള്ളത് കൊണ്ടും ആരാധകൊണ്ടുമാണ് അവര് ഇങ്ങനെ ചെയ്തതെന്നായിരുന്നു ബിജെപി എംപി പറഞ്ഞത്.അതോടൊപ്പം മഹാഭാരതത്തിലെ ചില സന്ദര്ഭവും, ജാര്ഖണ്ഡില് അതിഥികളെ സ്വീകരിക്കുന്നത് ഇങ്ങനയാണെന്നും പറഞ്ഞ് ഇയാള് ഫേസ്ബുക്കില് കുറിപ്പും ഇട്ടിരുന്നു.
https://www.facebook.com/Malayalivartha