രാജീവ് ഗാന്ധി വധക്കേസ്; പ്രതികളുടേയും മോചനത്തെ ചോദ്യം ചെയ്ത് ഇരകളുടെ ബന്ധുക്കള്‍ രംഗത്ത്; പുതിയ പരാതി നല്‍കാന്‍ സുപ്രീംകോടതിയുടെ നിര്‍ദ്ദേശം
രാജീവ് ഗാന്ധി വധക്കേസില്‍ ഇരകളായവരുടെ ബന്ധുക്കളോട് പുതിയ പരാതി നല്‍കാന്‍ സുപ്രീംകോടതി നിര്‍ദ്ദേശം. കേസിലെ മുഴുവന്‍ പ്രതികളുടേയും മോചനത്തെ ചോദ്യം ചെയ്തായിരുന്നു ഇരകളുടെ ബന്ധുക്കള്‍ സുപ്രീംകോടതിയെ സമീപിച്ചത്. മൂന്നാഴ്ചക്കകം പുതിയ പരാതി നല്‍കാന്‍ സുപ്രീംകോടതി നിര്‍ദ്ദേശം നല്‍കി. കഴിഞ്ഞ ദിവസം രാജീവ് ഗാന്ധി വധക്കേസില്‍ നളിനി,പേരറിവാളന്‍, മുരുകന്‍, ശാന്തന്‍,റോബര്‍ട്ട് പയസ്, രവിചന്ദ്രന്‍, എന്നിവരെ വിട്ടയക്കാന്‍ സുപ്രീംകോടതി ചീഫ് ജസ്റ്റിസ് ദീപക് മിശ്ര ഉത്തരവിറക്കിയിരുന്നു.
മോചനം ആവശ്യപ്പെട്ട് തമിഴ്‌നാട് ആഭ്യന്തര മന്ത്രിക്ക് ഉള്‍പ്പടെ പ്രതികള്‍ ദയാഹര്‍ജി സമര്‍പിച്ചിരുന്നു. ഐക്യരാഷ്ട്രസഭ വരെ ഏറ്റെടുത്ത വിഷയത്തിലെ നിര്‍ണായക വിധി സുപ്രീംകോടതി വിധി വിസ്താരത്തിലെ നായികകല്ലായിരുന്നു. ഇതിന് പിന്നാലെയാണ് ഹര്‍ജിയുമായി ഇരകളുടെ ബന്ധുക്കല്‍ രംഗത്തെത്തിയത്. 1991 മെയ്‌ 21ന് തമിഴ്‌നാട്ടിലെ ശ്രീപെരുമ്ബത്തൂരില്‍ വച്ചുണ്ടായ ചാവേര്‍ബോംബ് സ്‌ഫോടനത്തില്‍ രാജീവ് ഗാന്ധിക്ക് പുറമേ 14 പേര്‍ കൂടി മരിച്ചിരുന്നു. ഇവരുടെ കുടുംബമാണ് പ്രതികളുടെ മോചനം ചോദ്യം ചെയ്ത് സുപ്രീംകോടതിയെ സമീപിച്ചത്.
കേസിലെ പ്രതികളുടെ മോചനം സംബന്ധിച്ച തീരുമാനമെടുക്കാന്‍ തമിഴ്‌നാട് ഗവര്‍ണറെ സെപ്റ്റംബര്‍ ഏഴിന് സുപ്രീംകോടതി ചുമതലപ്പെടുത്തിയിരുന്നു. ജസ്റ്റീസുമാരായ രഞ്ജന്‍ ഗോഗോയ്, നവീന്‍ സിന്‍ഹ, കെ.എം.ജോസഫ് എന്നിവരടങ്ങിയ ബെഞ്ചാണ് പ്രതികളെ പുറത്തുവിടരുതെന്ന കേന്ദ്ര സര്‍ക്കാരിന്റെ ആവശ്യം തള്ളിയത്. തമിഴ്‌നാട് സര്‍ക്കാരിന്റെ ഹര്‍ജി പരിഗണിച്ചായിരുന്നു സുപ്രീംകോടതി വിധി.
സുപ്രീംകോടതി വിധിക്ക് പിന്നാലെ വിഷയത്തില്‍ കേന്ദ്ര സര്‍ക്കാരിന്റെ അഭിപ്രായം തേടില്ലെന്ന് ഗവര്‍ണര്‍ ബന്‍വാരിലാല്‍ പുരോഹിത് വ്യക്തമാക്കിയിരുന്നു. രാജീവ് ഗാന്ധി വധക്കേസുമായി ബന്ധപ്പെട്ട് ഏഴ് പ്രതികളാണ് ഇപ്പോഴും ജയിലില്‍ കഴിയുന്നത്.
https://www.facebook.com/Malayalivartha
