ഗോവയില് സഖ്യകക്ഷികളെ പിടിച്ചു നിര്ത്താന് തന്ത്രം മെനഞ്ഞ് ബിജെപി; ഗോവന് പ്രതിസന്ധി പരിഹരിക്കാന് ഉപമുഖ്യമന്ത്രി സ്ഥാനം ഘടകകക്ഷികള്ക്ക് നല്കാന് ബിജെപി
ഗോവയില് മനോഹര് പരീക്കറിന്റെ ആരോഗ്യനില മോശമായതിനെ തുടര്ന്ന് ഉടലെടുത്ത പ്രതിസന്ധി പരിഹരിക്കാന് ബിജെപി പുതു തന്ത്രങ്ങള് മെനയുകയാണ് ബിജെപി. ഈ സാഹചര്യത്തില് സഖ്യ കക്ഷികളെ പിടിച്ചു നിര്ത്തുകയാണ് ബിജെപിയുടെ പ്രധാന ലക്ഷ്യം. അതുകൊണ്ടുതന്നെ മുഖ്യമന്ത്രി പദം കൈയ്യില്വച്ച് ഉപമുഖ്യമന്ത്രി പദം സഖ്യകക്ഷികള്ക്ക് നല്കാനാണ് ബിജെപിയുടെ തീരുമാനം. ഇതുസംബന്ധിച്ച പ്രഖ്യാപനം ഒന്നോ രണ്ടോ ദിവസത്തില് ഉണ്ടാകും എന്നാണ് ലഭിക്കുന്ന വിവരംഗോവയിലെ രാഷ്ട്രീയ പ്രതിസന്ധിക്ക് പരിഹരിക്കാന് ബിജെപി ക്യാമ്പില് തിരക്കിട്ട ചര്ച്ചകള് നടക്കുകയാണ്. തീരുമാനം ഒന്നോ രണ്ടോ ദിവസത്തില് ഉണ്ടാകും. ദില്ലി എയിംസില് ചികിത്സയിലുള്ള മനോഹര് പരീക്കറിന് പകരം കേന്ദ്രമന്ത്രി ശ്രീപദ് നായിക്കിനെയോ സംസ്ഥാന അദ്ധ്യക്ഷന് വിനയ് ടെന്ഡുല്ക്കറിനെയോ മുഖ്യമന്ത്രിയാക്കാനാണ് ബിജെപിയുടെ നീക്കം.മഹാരാഷ്ട്രവാദി ഗോമന്തിക് പാര്ട്ടി, എംജിപിയുടെ സുദിന് നവലിക്കര് മുഖ്യമന്ത്രിയാകാന് ആഗ്രഹം പ്രകടിപ്പിച്ചിരുന്നു. എന്നാല് മറ്റൊരു സഖ്യകക്ഷിയായ ഗോവ ഫോര്വേഡ് പാര്ട്ടി അതിനെ എതിര്ക്കുകയായിരുന്നു. ഈ സാഹചര്യത്തിലാണ് മുഖ്യമന്ത്രി പദം ബിജെപി തന്നെ കൈയ്യില് വയ്ക്കാം എന്ന നിര്ദ്ദേശം ഉയരുന്നത്. അതേസമയം ഉപമുഖ്യമന്ത്രി പദം ഏതൊങ്കിലുമൊരു സഖ്യകക്ഷിക്കും നലകും. എന്നാല് ആര്ക്കുനല്കും എന്ന് ഇതുവരെ തീരുമാനിച്ചിട്ടില്ല സമവായമില്ലെങ്കില് രണ്ട് ഉപമുഖ്യമന്ത്രിമാരെ ആലോചിക്കും. നാല്പതംഗ നിയമസഭയില് ബിജെപിക്ക് 14 എംഎല്എമാരുണ്ട്. എംജിപിയുടെ മുന്നും, ഗോവാ ഫോര്വേജ് പാര്ട്ടിയുടെ മൂന്നും മൂന്ന് സ്വതന്ത്ര എംഎല്എമാരും ഭരണപക്ഷത്താണ്. ഈ ഇരുപത്തി മൂന്നില് പരീക്കര് ഉള്പ്പടെ മൂന്ന് ബിജെപി നേതാക്കള് ചികിത്സയിലാണ്. സ്പീക്കറൊഴികെ 19 പേരുടെ പിന്തുണയേ ഉറപ്പുള്ളു. സ്വതന്ത്ര എംഎല്എമാരെ ഒപ്പം കൊണ്ടു വരാന് 17 പേരുള്ള കോണ്ഗ്രസ് ശ്രമം തുടങ്ങിയിട്ടുണ്ട്. ബിജെപിയുടെ ഈ പുതിയ ഫോര്മുല സഖ്യകക്ഷികള് അംഗീകരിക്കുമോ എന്ന് വ്യക്തമല്ല. കക്ഷികളെ പിണക്കാതെ ബിജെപി എടുക്കുന്ന നിലപാട് എന്താണെന്ന് കാത്തിരുന്നുതന്നെ കാണണം