ഡല്ഹിയിൽ മൂന്നു നിലകെട്ടിടം തകര്ന്നു വീണ് അപകടം; നാലു കുട്ടികളും ഒരു സ്ത്രീയും ഉള്പ്പെടെ അഞ്ചു പേര് മരിച്ചു
വടക്കു-പടിഞ്ഞാറന് ഡല്ഹിയിലെ അശോക് വിഹാറില് മൂന്നു നിലകെട്ടിടം തകര്ന്നു വീണുണ്ടായ അപകടത്തില് നാലു കുട്ടികളും ഒരു സ്ത്രീയും ഉള്പ്പെടെ അഞ്ചു പേര് മരിച്ചു. ഏഴുപേര്ക്ക് പരിക്കേറ്റു. നിരവധി പേര് കെട്ടിടത്തിനുളളില് കുടുങ്ങി കിടപ്പുണ്ടെന്ന സംശയത്തെ തുടര്ന്ന് രക്ഷാപ്രവര്ത്തനം പുരോഗമിക്കുകയാണ്.
മുന്നി എന്ന സ്ത്രീയാണ് മരിച്ചതെന്ന് പോലീസ് അറിയിച്ചു. രാവിലെ 9.25 ഓടെയാണ് ദുരന്തമുണ്ടായത്. കാലപ്പഴക്കമാണ് കെട്ടിടം തകര്ന്നു വീഴാന് കാരണമെന്നാണ് പ്രാഥമിക നിഗമനം. അഗ്നിശമനസേനയ്ക്കും പോലീസിനുമൊപ്പം ദുരന്ത നിവാരണ സേനയുടെ രണ്ടു ടീമും സ്ഥലത്തെത്തി തെരച്ചിലില് പങ്കെടുക്കുന്നുണ്ട്.
https://www.facebook.com/Malayalivartha