പൊരുതിയാണ് 'തുരീയ’ പായ്വഞ്ചിയും താനും പിടിച്ചുനിന്നത്; ഉള്ളിലെ സൈനികനും നാവിക പരിശീലനവുമാണ് പ്രതിസന്ധിയോട് പൊരുതാന് സഹായിച്ചത്; രക്ഷാപ്രവർത്തനത്തിൽ പങ്കെടുത്തവരോട് നന്ദിപറഞ്ഞ് നാവികൻ അഭിലാഷ് ടോമി
ഗോൾഡൻ ഗ്ലോബ് അന്തർദേശീയ പായ്വഞ്ചി പ്രയാണ മത്സരത്തിനിടെ പരിക്കേറ്റ ഇന്ത്യൻ നാവികൻ അഭിലാഷ് ടോമിയുടെ ആശുപത്രിയിൽ നിന്നുള്ള ചിത്രങ്ങൾ പുറത്ത്. ആംസ്റ്റര്ഡാം ദ്വീപിലെ ആശുപത്രിയില് ചികിത്സയില് കഴിയുന്ന ചിത്രമാണ് പുറത്തുവന്നത്.
അന്ന് കടൽ അശാന്തമായിരുന്നു. പൊരുതിയാണ് 'തുരീയ’ പായ്വഞ്ചിയും താനും പിടിച്ചുനിന്നത്. ഉള്ളിലെ സൈനികനും നാവിക പരിശീലനവുമാണ് പ്രതിസന്ധിയോട് പൊരുതാന് സഹായിച്ചത്. ഇന്ത്യൻ നാവികസേനയോടും രക്ഷാപ്രവർത്തനത്തിൽ പങ്കെടുത്ത വരോടും നന്ദിയറിയിക്കുന്നുവെന്നും അഭിലാഷ് ടോമി പറഞ്ഞു.
കഴിഞ്ഞദിവസമാണ് അഭിലാഷിനെ ആംസ്റ്റർഡാം ദ്വീപിലെ ആശുപത്രിയിലേക്ക് മാറ്റിയത്. അഭിലാഷിനൊപ്പം മത്സരിച്ച ഐറിഷുകാരന് ഗ്രെഗര് മക്ഗെക്കും(32) കടലിൽ കുടുങ്ങിയിരുന്നു. ഇദ്ദേഹത്തെയും ദ്വീപിലെത്തിച്ചിട്ടുണ്ട്. ദ്വീപിലുള്ള ചെറു ആശുപത്രിയിലാണ് ഇരുവർക്കും വൈദ്യസഹായം ലഭ്യമാക്കിയത്. അഭിലാഷിെൻറ എക്സ് റേ റിപ്പോർട്ടിൽ ഗുരുതര പരിെക്കാന്നും കണ്ടെത്തിയിട്ടില്ല.
https://www.facebook.com/Malayalivartha