കല്‍ക്കരി അഴിമതിയില്‍ പ്രധാനമന്ത്രിയുടെ രാജി ആവശ്യപ്പെട്ട്‌ പാര്‍ലമെന്റില്‍ ബഹളം
കല്‍ക്കരിപാടം അഴിമതിയില്‍ പ്രധാനമന്ത്രി മന്‍മോഹന്‍ സിംഗിനെ രക്ഷിക്കാന്‍ കേന്ദ്രസര്‍ക്കാര്‍ ഇടപെട്ടെന്ന ആരോപണത്തിന്റെ പശ്ചാത്തലത്തില്‍ പാര്‍ലമെന്റിന്റെ ഇരുസഭകളും പ്രക്ഷുബ്ദമായി. പ്രധാനമന്ത്രി രാജിവെക്ക്‌ണം എന്നാണ്‌ പ്രതിപക്ഷത്തിന്റെ ആവശ്യം. കഴിഞ്ഞ ദിവസമായിരുന്നു കല്‍ക്കരി ഖനന അഴിമതി സംബന്ധിച്ച അന്വേഷണ റിപ്പോര്‍ട്ടില്‍ കേന്ദ്രസര്‍ക്കാര്‍ ഇടപെട്ടെന്ന്‌ കാട്ടി സി.ബി.ഐ സുപ്രീം കോടതിയില്‍ നല്‍കാനിരുന്ന സത്യവാങ്‌മൂലത്തിന്റെ ഉള്ളടക്കം ചോര്‍ന്നത്‌. തുടര്‍ന്ന്‌ ഇന്നലേയും പ്രതിപക്ഷം പാര്‍ലമെന്റില്‍ കേന്ദ്രസര്‍ക്കാരിനെ പ്രതിക്കൂട്ടിലാക്കിയിരുന്നു.
പ്രധാനമന്ത്രിയെ സംരക്ഷിക്കാന്‍ സി.ബി.ഐയ്‌ക്ക്‌ മേല്‍ സമ്മര്‍ദ്ദം ചെലുത്തിയ നിയമമന്ത്രി അശ്വിനി കുമാറിനെ മന്ത്രിസഭയില്‍ നിന്ന് പുറത്താക്കണമെന്നും പ്രതിപക്ഷം ആവശ്യപ്പെട്ടിട്ടുണ്ട്‌. എന്നാല്‍ രാജി ആവശ്യം തള്ളുന്നതായി മന്ത്രി കമല്‍നാഥ്‌ പറഞ്ഞു. സ്ഥിതിഗതികള്‍ ചര്‍ച്ച ചെയ്യാന്‍ കോണ്‍ഗ്രസ്‌ കോര്‍കമ്മിറ്റി പ്രധാനമന്ത്രിയുടെ വസതിയില്‍ യോഗം ചേര്‍ന്നു.
പ്രതിപക്ഷ ബഹളത്തെ തുടര്‍ന്ന്‌ പാര്‍ലമെന്റിന്റെ ഇരുസഭകളും 12 മണിവരെ നിര്‍ത്തിവെച്ചു. എന്നാല്‍ 12 മണിക്കുശേഷവും ബഹളം തുടര്‍ന്നതിനെ തുടര്‍ന്ന്‌ സഭ ഇന്നത്തേക്ക്‌ പിരിയുകയായിരുന്നു.
https://www.facebook.com/Malayalivartha
