അഗസ്ത വെസ്റ്റ്ലന്ഡ് ഹെലികോപ്റ്റര് ഇടപാടില് ത്യാഗിയുടെ അക്കൗണ്ട് മരവിപ്പിച്ചു
വിവാദമായ ഹെലികോപ്റ്റര് ഇടപാടില് ആരോപണ വിധേയനായ വ്യോമസേനാ മുന് മേധാവി എസ്.പി ത്യാഗിയുടേയും ആരോപണ വിധേയരായ മറ്റ് ഇന്ത്യാക്കാരുടേയും ബാങ്ക് അക്കൗണ്ടുകള് സി.ബി.ഐ മരവിപ്പിച്ചു. ഫിന്മെക്കാനിക്ക എന്ന ഇറ്റലിയിലെ ആയുധക്കമ്പനിയില് നിന്ന് വി.ഐ.പികള്ക്കു വേണ്ടി ഇന്ത്യ വാങ്ങിയ 'അഗസ്ത വെസ്റ്റ്ലന്ഡ്' ഹെലികോപ്റ്ററുകളാണ് വിവാദം സൃഷ്ടിച്ചത്.
ത്യാഗിയുടെ അടുത്ത ബന്ധുക്കളായ ജൂലി ത്യാഗി, ദോക്സ ത്യാഗി , സന്ദീപ് ത്യാഗി, ഇടപാടുമായി ബന്ധമുണ്ടെന്നു കണ്ട ഐ.ഡി.എസ് ഇന്ഫോടെക് എന്ന കമ്പനിയുടെ ചെയര്മാന് സതീഷ് ബഗ്രോഡിയ, മാനേജിംഗ് ഡയറക്ടര് പ്രതാപ് അഗര്വാള്, മറ്റൊരു കമ്പനിയായ എയ്റോമാട്രിക്സിന്റെ സി.ഇ.ഒ പ്രവീണ് ബക്ഷി, നിയമോപദേഷ്ടാവ് ഗൗതം ഖൈതാന് എന്നിവരുടേതാണ് മറ്റ് അക്കൗണ്ടുകള്.
2004 മുതല് 2007 വരെ വ്യോമസേനാ മേധാവിയായിരുന്ന എസ്.പി. ത്യാഗി ഇതിന് കോഴ വാങ്ങിയെന്നും ഇറ്റലിയുടെ അന്വേഷണ റിപ്പോര്ട്ടില് കുറ്റപ്പെടുത്തുന്നു. കഴിഞ്ഞ യു.പി.എ. മന്ത്രിസഭയുടെ കാലത്താണ് സര്ക്കാര് ഹെലികോപ്റ്ററുകള്ക്കുവേണ്ടി ടെന്ഡര് ക്ഷണിച്ചത്. ടെന്ഡര് ക്ഷണിക്കുമ്പോള് നിബന്ധനകളില് ഇളവു നല്കിയെന്നാണ് ആരോപണം.
https://www.facebook.com/Malayalivartha