ലൈംഗിക പീഡനങ്ങള് സ്ത്രീകള് ക്ഷണിച്ചു വരുത്തുന്നു: വീണ്ടും സ്ത്രീ വിരുദ്ധ പ്രസ്താവനയുമായി രാഷ്ട്രീയ നേതാക്കള്
സത്രീ വിരുദ്ധ പ്രസ്ഥാവനയുമായി ഒരു രാഷ്ട്രീയ നേതാവു കൂടി രംഗത്ത്. ലൈംഗികപീഡനങ്ങള് സ്ത്രീകള് ക്ഷണിച്ചു വരുത്തുന്നതാണെന്നാണ് മധ്യപ്രദേശിലെ കോണ്ഗ്രസ് നേതാവ് സത്യദേവ് കട്ടാരെ പറയുന്നത്. " ഒരു പുരുഷനും സ്ത്രീയെ പീഡിപ്പിക്കില്ല. സ്ത്രീ അതിന് മുന്കൈ എടുക്കുമ്പോഴാണ് അത് സംഭവിക്കുന്നത്" എന്നാണ് കട്ടാരെ പറഞ്ഞത്. മധ്യപ്രദേശിലെ ഭിന്ധ് ജില്ലയില് ഒരു റാലിയില് പ്രസംഗിക്കവേയാണ് കട്ടാരെ ഈ സ്ത്രീ വിരുദ്ധ പ്രസ്താവന നടത്തിയത്.
കട്ടാരെയുടെ പരാമര്ശത്തിനെതിരെ മധ്യപ്രദേശില് രൂക്ഷമായ പ്രതികരണമാണ് ഉണ്ടായിക്കുന്നത്. പ്രസ്താവനക്കെതിരെ ബി.ജെ.പി രംഗത്തെത്തി. കോണ്ഗ്രസ് അദ്ധ്യക്ഷ ഒരു വനിതയായിട്ടു പോലും കോണ്ഗ്രസ് നേതാവ് ഇത്തരത്തില് അഭിപ്രായ പ്രകടനങ്ങള് നടത്തിയത് അപലപനീയമാണെന്ന്് ബി.ജെ.പി എം.എല്.എ വിശ്വാസ് സാരംഗ് വ്യക്തമാക്കി.
2011 ല് മധ്യപ്രദേശില് 3400 ബലാല്സംഗക്കേസുകള് റിപ്പോര്ട്ട് ചെയ്തിട്ടുണ്ട്. കൂടാതെ കഴിഞ്ഞ മാസം സ്വിസ് യുവതി കൂട്ടബലാല്സംഗത്തിന് വിധേയയായതും മധ്യപ്രദേശിലായിരുന്നു. നിരവധി വനിതാ സംഘടനകളും കട്ടാരെയുടെ പ്രസ്താവനക്കെതിരെ രംഗത്തെത്തിയിട്ടുണ്ട്. ഡല്ഹിയില് നാല് വയസുകാരി അതി ക്രൂരമായി പീഡിപ്പിക്കപ്പെട്ട പശ്ചാത്തലത്തില് കട്ടാരെയുടെ പരാമര്ശം കോണ്ഗ്രസിന് വലിയ തലവേദനതന്നെ വരുത്തിവെക്കും.
https://www.facebook.com/Malayalivartha