ചിദംബരത്തിനുനേരെ: നളിനി ചിദംബരത്തിനെതിരെ അറസ്റ്റിലായ ചിട്ടിക്കമ്പനി ഉടമ
ധനമന്ത്രി പി.ചിദംബരത്തിന്റെ ഭാര്യക്കെതിരെ അഴിമതിയാരോപണം. ബംഗാളില് അറസ്റ്റിലായ ചിട്ടിക്കമ്പനി ഉടമയാണ് ആരോപണം ഉന്നയിച്ചത്. അസം കേന്ദ്രീകരിച്ച് ഒരു ചാനല് തുടങ്ങാന് ചിദംബരത്തിന്റെ ഭാര്യ നളിനി ചിദംബരം 42 കോടി രൂപ ആവശ്യപ്പെട്ടെന്നാണ് ചിട്ടിക്കമ്പനി ഉടമയായ സുദീപ്താ സെന്നിന്റെ ആരോപണം. ഇയാള് സി.ബി.ഐയ്ക്ക് അയച്ച കത്തിലാണ് പരാമര്ശം. തന്റെ ചിട്ടിക്കമ്പനി പൊളിഞ്ഞതിനു പിന്നില് ചില രാഷ്ട്രീയക്കാരാണെന്നും കത്തില് സുദീപ്താസെന് പറയുന്നുണ്ട്.
നാല്പ്പത്തിരണ്ട് കോടിയില് 25 കോടി രൂപ നല്കിയിരുന്നു. കണ്സള്ട്ടിംഗ് ഫീസായി ഒരു കോടി രൂപയും ആവശ്യപ്പെട്ടിരുന്നു. ഇതിനായി കൊല്ക്കത്തയില് വരുന്നതിനും പോകുന്നതിനും ചിലവായ വീമാന ടിക്കറ്റ്താജിലെ താമസ ചിലവ് എന്നിവയും നളിനി തന്നില് നിന്ന് ഈടാക്കിയതായും സുദീപ്താ കത്തില് പറയുന്നു.
നളിനി ചിദംബരത്തിന്റെ പേരു കൂടാതെ തൃണമൂല് കോണ്ഗ്രസിന്റെ രണ്ട് എം.പിമാരുടേയും, അസം എം.എല്.എയുടേയും പേരുകള് കത്തില് പരാമര്ശിക്കുന്നുണ്ട്. തൃണമൂല് എം.പിമാരായ കനാല് ഘോഷ്,ശാരദാ ഗ്രൂപ്പ് മീഡിയയുടെ സി.ഇ.ഒ ശ്രീഞ്ജോയ് ബോസ് എന്നിവര് നിര്ബന്ധിച്ച് തന്നെക്കൊണ്ട് ചാനല് എടുപ്പിക്കുകയായിരുന്നു. സുദീപ്തായുടെ കത്ത് സി.ബി.ഐ ഡല്ഹി ഓഫീസിലാണ് ലഭിച്ചത്. ഇത് കൊല്ക്കത്തയിലെ സി.ബിഐ ഓഫീസിലേക്ക് അയച്ചിട്ടുണ്ട്.
സാമ്പത്തിക ബാധ്യതയെ തുടര്ന്ന് സുദീപ്തായുടെ ഉടമസ്ഥതയിലുള്ള ടെലിവിഷന് ചാനലുകളും, പത്രസ്ഥാപനങ്ങളും അടച്ചു പൂട്ടിയിരുന്നു. സ്ഥാപനങ്ങളിലെ ജീവനക്കാര് ശമ്പളം ലഭിക്കാത്തതിനെ തുടര്ന്ന് പ്രതിഷേധവുമായി രംഗത്തെത്തി.
ചിട്ടിവെട്ടിപ്പ് നടത്തി മുങ്ങിയ സുദീപ്തായെ ജമ്മുകാശ്മീരില് നിന്നാണ് അറസ്റ്റ് ചെയ്തത്. നിക്ഷപകയായ ഒരു സ്ത്രീ തീക്കൊളുത്തി മരിച്ചതിനെ തുടര്ന്ന് ബംഗാളില് പ്രതിഷേധം ശക്തമായിട്ടുണ്ട്.. ഇതിനെ തുടര്ന്നാണ് മുഖ്യമന്ത്രി മമതാ ബാനര്ജി അന്വേഷണത്തിന് ഉത്തരവിട്ടത്.
https://www.facebook.com/Malayalivartha