18 വയസിനു താഴെയുള്ളവര് ഫേസ്ബുക്ക് അക്കൗണ്ട് തുടങ്ങുന്നതിന് ഇന്ത്യന് നിയമം അനുവദിക്കുന്നില്ലെന്ന് കോടതി: കേന്ദ്രസര്ക്കാരിനോട് വിശദീകരണം തേടി
സോഷ്യല് മീഡിയ സൈറ്റുകളില് 18 വയസില് താഴെ പ്രായമുള്ള കുട്ടികള് അക്ക്വണ്ട് എടുക്കുന്നതിനെക്കുറിച്ചു കേന്ദ്രസര്ക്കാരിനോടു ഡല്ഹി ഹൈക്കോടതി വിശദീകരണം തേടി. ഇന്ത്യയിലെ നിയമങ്ങള് ഇത് അനുവദിക്കുന്നില്ലെന്നു കോടതി ചൂണ്ടിക്കാട്ടി. പത്തു ദിവസത്തിനുളളില് സത്യവാങ്മൂലം നല്കാന് കേന്ദ്രസര്ക്കാരിനോടു കോടതി നിര്ദേശിച്ചു. ജസ്റ്റിസ് ബിടി അഹമ്മദ്, ജസ്റ്റിസ് വിബു ബാക്വറു എന്നിവരടങ്ങിയ ബഞ്ചിന്റെതാണു ഉത്തരവ്.
എങ്ങനെയാണ് പതിമൂന്ന് വയസുകാരന് ഇന്ത്യന് നിയമം അനുവദിക്കാതിരുന്നിട്ടുപോലും ഫേസ്ബുക്കില് അക്കൗണ്ട് തുടങ്ങാന് കഴിഞ്ഞതെന്നും കോടതി ചോദിച്ചു. ഈ വിഷയത്തില് ഫേസ്ബുക്ക്, ഗൂഗിള്, തുടങ്ങിയ കമ്പനികളോടും കോടതി വിശദീകരണം തേടിയിട്ടുണ്ട്. ബി.ജെ.പി നേതാവ് കെ.എന് ഗോവിന്ദാചാര്യ നല്കിയ ഹര്ജിയിലാണ് കോടതി നടപടി.
പതിനെട്ടു വയസ്സിനു താഴെയുള്ളവര് ഏതെങ്കിലും സോഷ്യല് നെറ്റ്വര്ക്കിംഗ് സൈറ്റുകളില് അക്കൗണ്ട് തുടങ്ങാന് കരാറില് ഏര്പ്പെടുന്നുണ്ട്. ഇത് നിയമവിരുദ്ധമാണെന്നാണ് ഹര്ജിയില് ഗോവിന്ദാചാര്യ ചൂണ്ടിക്കാട്ടിയത്. ഇതു കൂടാതെ സോഷ്യല് നെറ്റ്വര്ക്കിംഗ് സൈറ്റുകളില് അക്കൗണ്ട് ഉള്ളവരുടേയും, ഭാവിയില് അക്കൗണ്ട് തുടങ്ങുന്നവരുടേയും കാര്യത്തില് പരിശോധന ശക്തമാക്കണമെന്നും ഹര്ജിയില് ആവശ്യപ്പെടുന്നുണ്ട്.
https://www.facebook.com/Malayalivartha