കല്ക്കരിവിവാദം കത്തിക്കയറുമ്പോള് പ്രധാനമന്ത്രി ഉറപ്പിച്ചു താനും അശ്വനികുമാറും രാജിവെക്കില്ല
കല്ക്കരി ഇടപാടില് കേന്ദ്ര നിയമമന്ത്രി അശ്വനികുമാറിനെ പ്രധാനമന്ത്രി സംരിക്ഷിക്കുന്നെന്ന ആക്ഷേപം നിലനില്ക്കേ ഡോ. മന്മോഹന് സിംഗ് തന്റെ നിലപാട് വ്യക്തമാക്കി. താനും കേന്ദ്ര നിയമ മന്ത്രി അശ്വനികുമാറും രാജിവെയ്ക്കേണ്ടതില്ല. രാഷ്ടപതി ഭവനില് നടന്ന ഒരു ചടങ്ങിനിടെ മാധ്യമങ്ങളോട് സംസാരിക്കുകയായിരുന്നു പ്രധാനമന്ത്രി. പ്രശ്നം ഇപ്പോള് കോടതിയുടെ പരിഗണനയിലായതിനാല് ഇതേപ്പറ്റി കൂടുതല് പറയുന്നില്ലെന്നും അദ്ദേഹം പറഞ്ഞു.
തുടര്ച്ചയായി പാര്ലമെന്റ് നടപടികള് തടസപ്പെടുത്തുന്ന പ്രതിപക്ഷത്തിന്റെ നിലപാടിനേയും പ്രധാനമന്ത്രി ചോദ്യം ചെയ്തു. സഭയുടെ സുഗമമായ നടത്തിപ്പ് പ്രതിപക്ഷത്തിന്റെ കൂടി ഉത്തരവാദിത്വമാണ്. ഇതെല്ലാം ജനം നോക്കി ചിരിക്കുകയാണെന്ന കാര്യം മറക്കരുതെന്നും അദ്ദേഹം പറഞ്ഞു.
https://www.facebook.com/Malayalivartha