സരബ്ജിത് സിംഗിനെ വിദഗ്ദ്ധ ചിക്ത്സയ്ക്കായ് വിദേശത്ത് കൊണ്ടുപോകില്ല
സഹതടവുകാരുടെ ക്രൂരമര്ദ്ദനത്തില് ഗുരുതരാവസ്ഥയില് ലാഹോറിലെ ജിന്ന ആശുപത്രിയില് കഴിയുന്ന സരബ്ജിത് സിംഗിനെ വിദഗ്ദ്ധ ചികിത്സയ്ക്കായ് വിദേശത്തേയ്ക്ക് കൊണ്ടുപോകേണ്ടതില്ലെന്ന് വിദഗ്ദ്ധ സമിതി. ഡോ. മുഹമ്മദ് ഷൗക്കത്ത് നേതൃത്വം നല്കുന്ന ഡോക്ടര്മാരുടെ സംഘം സരബ്ജിത്തിനെ നിരന്തരം പരിശോധിക്കുന്നുണ്ട്. സരബ്ജിത്തിന്റെ തലയോട്ടിക്ക് ഗുരുതരമായ പരിക്കേറ്റിട്ടുണ്ട്. ഈയൊരവസ്ഥയില് അദ്ദേഹത്തെ അവിടെന്ന് മാറ്റണ്ട എന്നാണ് പൊതുവേയുള്ള അഭിപ്രായം. ഇവിടെ മികച്ച ചികിത്സയാണ് സരബ്ജിത്തിനായി ഒരുക്കിയിരിക്കുന്നതെന്നും ഡോക്ടര്മാര് പറഞ്ഞു.
ലാഹോറിലെ ജിന്ന ആശുപത്രിയില് അബോധാവസ്ഥയില് കഴിയുകയാണ് സരബ്ജിത്. ദിവസങ്ങള് കഴിയുകയാണെങ്കിലും അദ്ദേഹത്തിന്റെ ആരോഗ്യ നിലയില് അല്പംപോലും പുരോഗതിയില്ലാത്തതാണ് ഇങ്ങനെയൊരു നിലപാടെടുക്കാന് പാക് അധികൃതര് ശ്രമിക്കുന്നത്. ഇക്കാര്യത്തില് അന്വേഷിച്ച് റിപ്പോര്ട്ട് നല്കാനായി ഡോക്ടര്മാരുടെ ഒരു വിദ്ഗ്ദ്ധ സംഘത്തേയും നിയോഗിച്ചിരുന്നു. ഈ വിദഗ്ദ്ധ സമിതി അടിയന്തിരമായി സര്ക്കാരിന് റിപ്പോര്ട്ട് സമര്പ്പിക്കുകയായിരുന്നു.
സരബ്ജിത് രക്ഷപ്പെടാനുള്ള സാധ്യത കുറവാണെന്നാണ് ആശുപത്രി അധികൃതര് പറയുന്നത്. അതീവ ഗുരുതരാവസ്ഥയില് കഴിയുന്ന സരബ്ജിത് സിംഗിനെ ചികിത്സയ്ക്കായി ഇന്ത്യയിലേക്ക് അയക്കണമെന്ന് കുടുംബാംഗങ്ങള് പാകിസ്ഥാന് സര്ക്കാരിനോട് ആവശ്യപ്പെട്ടിരുന്നു.
https://www.facebook.com/Malayalivartha