ഒന്നിനും കൊള്ളാത്ത സര്ക്കാര്: ഇന്ത്യയുടെ ഏറ്റവും വലിയ ശത്രു ചൈനയെന്ന് മുലായം
ചൈനയാണ് ഇന്ത്യയുടെ ഏറ്റവും വലിയ ശത്രുവെന്നും പാക്കിസ്ഥാനെ ഇന്ത്യ ഭയക്കുന്നില്ലെന്നും സമാജ് വാദി പാര്ട്ടി നേതാവ് മുലായം സിങ് യാദവ്. ലഡാക്കില് ചൈനീസ് കടന്നു കയറ്റത്തെ ചൊല്ലി കേന്ദ്രസര്ക്കാരിനെതിരെ രൂക്ഷ വിമര്ശനവുമായാണ് മുലായം സിംഗ് രംഗത്തെത്തിയത്. വിഷയത്തില് സര്ക്കാര് ഒന്നും ചെയ്യുന്നില്ലെന്നും, ഈ സാഹചര്യത്തില് വിദേശകാര്യമന്ത്രി സല്മാന് ഖുര്ഷിദ് ചൈന സന്ദര്ശിക്കുന്നത് ശരിയല്ലെന്നും മുലായം കുറ്റപ്പെടുത്തി. കടന്നു കയറ്റക്കാരെ തുരത്താന് സൈന്യം തയ്യാറാണ് എന്നാല് ഒന്നിനും കൊള്ളാത്ത സര്ക്കാര് ഭീരുത്വമാര്ന്ന നിലപാടാണ് കൈക്കൊള്ളുന്നതെന്നും മുലായം തുറന്നടിച്ചു.
അതേസമയം ലഡാക്കില് ചൈനീസ് സൈന്യം ഒരു ടെന്റ് കൂടി കെട്ടി. ഇതോടെ ചൈനയുടെ അഞ്ച് ടെന്റുകളാണ് ഇപ്പോള് ലഡാക്കിലുള്ളത്. കൂടാതെ നിരീക്ഷണത്തിനായി മെലോസര് നായകളേയും ചൈന വിന്യസിച്ചിട്ടുണ്ട്.
https://www.facebook.com/Malayalivartha