സിഖ് വിരുദ്ധ കലാപം കോണ്ഗ്രസ് നേതാവിനെ വെറുതേവിട്ടു, ജഡ്‌ജിക്ക്‌ നേരെ ചെരുപ്പേറ്‌
സിഖ് വിരുദ്ധ കലാപവുമായി ബന്ധപ്പെട്ട കേസില്‍ മുന്‍ കോണ്ഗ്രസ് എം.പി സജ്ജന്‍ കുമാറിനെ കുറ്റവിമുക്തനാക്കി. ഡല്‍ഹിയിലെ പ്രത്യേക സി.ബി.ഐ കോടതിയുടേതാണ് വിധി. ഡല്‍ഹി കന്റോണ്‍മെന്റ് ഏരിയയില്‍ ആറ് സിഖുകാരെ കൊലപ്പെടുത്താന്‍ സജ്ജന്‍കുമാര്‍ അനുയായികളോട് ആവശ്യപ്പെട്ടെന്നാണ് കേസ്. 1984 നവംബര്‍ ഒന്നിനാണ് രാജ്‌നഗറില്‍ ആറ് സിഖുകാരെ കൊലപ്പെടുത്തിയത്. ആ ദിവസം താന്‍ അവിടെ പോയില്ലെന്നും ആരെയും ഭീഷണിപ്പെടുത്തിയില്ലെന്നും സജ്ജന്‍ കുമാര്‍ വാദിച്ചിരുന്നു. കലാപം നടന്ന് 16 വര്‍ഷങ്ങള്‍ക്ക് ശേഷമാണ് തനിക്കെതിരെ ആരോപണമുയരുന്നത്. താന്‍ കുറ്റക്കാരനാണെങ്കില്‍ ആരോപണം ഉന്നയിക്കാന്‍ ഇത്ര കാലതാമസമെടുത്തത് എന്തുകൊണ്ടാണെന്ന അദ്ദേഹത്തിന്റെ വാദം കോടതി അംഗീകരിക്കുകയായിരുന്നു.
ഇതെതുടര്‍ന്ന് കോടതിക്കുമുന്നില്‍ സിഖ് സംഘടനകള്‍ വന്‍പ്രതിഷേധമുയര്‍ത്തുകയാണ്. വിധി പറഞ്ഞ ജഡ്ജിക്കുനേരെ പ്രതിഷേധക്കാര്‍ ഷൂ വലിച്ചെറിഞ്ഞു.
https://www.facebook.com/Malayalivartha
