അവധിക്കാലം ആഘോഷിക്കാനെത്തിയത് ദുരന്തത്തില് കലാശിച്ചു....ശക്തമായ വെള്ളച്ചാട്ടത്തില് കുളിക്കാനിറങ്ങിയ ഏഴംഗ കുടുംബത്തിലെ മൂന്നുപേര്ക്ക് ദാരുണാന്ത്യം...
ശക്തമായ വെള്ളച്ചാട്ടത്തില് കുളിക്കാനിറങ്ങിയ ഏഴംഗ കുടുംബത്തിലെ മൂന്നുപേര് മരിച്ചു. വെള്ളത്തിന്റെ കുത്തൊഴുക്കില് ഇവര് പെട്ടുപോകുകയായിരുന്നു. ഒരു പുരുഷനും സ്ത്രീയും കുട്ടിയുമടക്കം അഞ്ച് പേരാണ് ഒഴുക്കില്പെട്ടത്. ഇവരില് മൂന്നുപേരുടെ മൃതദേഹം കണ്ടെത്തി. രണ്ടുപേരുടേത് കണ്ടെത്താനുണ്ട്. സംഘത്തിലെ രണ്ടുപേര് നീന്തി കരയ്ക്കു കയറിയതായാണ് സംഭവം കണ്ടവര് പറയുന്നത്.
അവധിക്കാലം ആഘോഷിക്കാനായി മുംബയ്ക്ക് 80 കിലോമീറ്റര് അകലെയുള്ള ലോണാവാലയിലെ ഒരു ഹില്സ്റ്റേഷനിലെത്തിയതായിരുന്നു കുടുംബം. ഇതിനിടെയാണ് ദുരന്തത്തിനിരയായത്. ഭു
സി ഡാമിലെ വെള്ളച്ചാട്ടത്തിന് നടുവില് ഏഴംഗ കുടുംബം നില്ക്കുന്ന ദൃശ്യങ്ങള് പുറത്തുവന്നിട്ടുണ്ടായിരുന്നു.മണ്സൂണ് കാലമായതിനാല് ഡാമില് വെള്ളം നിറഞ്ഞുകിടക്കുകയായിരുന്നു. ഇത് ശക്തമായ വെള്ളപ്പാച്ചിലിന് ഇടയാക്കി. പിന്നാലെയാണ് അപകടമുണ്ടാക്കിയത്.ഏഴംഗ കുടുംബം ശക്തമായ ജലപാതത്തില് നിന്നും രക്ഷപ്പെടാനായി മെല്ലെ കരയിലേക്ക് നീങ്ങുകയായിരുന്നു ഇതിനിടെ നിമിഷങ്ങള്ക്കകം ഒഴുക്കില് പെടുകയായിരുന്നു.
ഞായറാഴ്ച ഉച്ചയ്ക്ക് 1.30ഓടെയാണ് ദാരുണസംഭവമുണ്ടായത്. സംഭവമറിഞ്ഞ് നിമിഷനേരങ്ങള്ക്കകം പ്രദേശവാസികളും പൊലീസും സ്ഥലത്തെത്തി രക്ഷാപ്രവര്ത്തനം തുടങ്ങി.
https://www.facebook.com/Malayalivartha