പിജി ഹോസ്റ്റലിൽ വച്ച് യുവതിയെ കഴുത്തറുത്ത് കൊലപ്പെടുത്തിയ, സംഭവത്തിൽ പ്രതിയായ യുവാവിനെ പിടികൂടി പൊലീസ്.... കത്തി ഉപയോഗിച്ച് നിരവധി തവണ കുത്തിയ ശേഷം യുവതിയുടെ കഴുത്തറുക്കുകയായിരുന്നു....സിസിടിവി ദൃശ്യങ്ങളും പുറത്തു വന്നു...
![](https://www.malayalivartha.com/assets/coverphotos/w657/315620_1722083795.jpg)
കോറമംഗലയിലെ പിജി ഹോസ്റ്റലിൽ വച്ച് യുവതിയെ കഴുത്തറുത്ത് കൊലപ്പെടുത്തിയ സംഭവത്തിൽ പ്രതിയായ യുവാവിനെ പിടികൂടി പൊലീസ്. കൊലപാതകത്തിന് ശേഷം ഒളിവിൽ പോയ അഭിഷേകിനെ മധ്യപ്രദേശിലെ രഹസ്യ കേന്ദ്രത്തിൽ നിന്നാണ് ശനിയാഴ്ച പുലർച്ചെ ബെംഗളൂരു പൊലീസ് പിടികൂടിയത്. ജൂലൈ 23ന് രാത്രിയായിരുന്നു കോറമംഗലയിലെ പിജി ഹോസ്റ്റലിൽ അതിക്രമിച്ച് കയറിയ യുവാവ് ബിഹാർ സ്വദേശിനിയായ കൃതി കുമാരി (24) യെ കൊലപ്പെടുത്തിയത്. കത്തി ഉപയോഗിച്ച് നിരവധി തവണ കുത്തിയ ശേഷം യുവതിയുടെ കഴുത്തറുക്കുകയായിരുന്നു. ക്രൂരമായ കൊലപാതകത്തിന്റെ സിസിടിവി ദൃശ്യങ്ങളും പുറത്തു വന്നു.ഹോസ്റ്റലിലെ കെയർ ടേക്കർ രാത്രി ഭക്ഷണം കഴിക്കാൻ പുറത്തു പോയ തക്കം നോക്കിയാണ് പ്രതിയായ അഭിഷേക് അകത്തു കയറയിത്.
മൂന്നാം നിലയിലെ മുറിക്ക് സമീപത്തു വച്ച് യുവാവും കൃതിയുമായി പിടിവലി നടന്നു. ഇതിനു പിന്നാലെയായിരുന്നു ക്രൂരമായ കൊലപാതകം. രക്തം വാർന്ന് നിലത്തു വീണ കൃതിയുടെ നിലവിളി കേട്ടാണ് മറ്റു മുറികളിലുണ്ടായിരുന്നവർ സംഭവമറിയുന്നത്. ഇവർ ഉടനെ തന്നെ വിവരം പൊലീസിനെ അറിയിക്കുകയായിരുന്നു. കൃതി സംഭവസ്ഥലത്തു വച്ചു തന്നെ മരിച്ചു.കുറച്ച് ദിവസങ്ങൾക്കു മുൻപാണ് കൃതി കോറമംഗലയിലെ വിആർ ലേഔട്ടിലുള്ള പിജിയിൽ എത്തിയത്. പ്രതിയായ അഭിഷേകും കൊല്ലപ്പെട്ട കൃതിയുടെ മുറിയിൽ മുൻപ് താമസിച്ചിരുന്ന യുവതിയും തമ്മിൽ പ്രണയ ബന്ധമുണ്ടായിരുന്നുവെന്നാണ് സൂചന.ഈ ബന്ധം വേർപ്പെട്ടതിന് പിന്നിൽ കൃതിയാണെന്ന് അഭിഷേക് കരുതിയിരുന്നു. ഇതിന്റെ വൈരാഗ്യത്തിലാണ് കൃതിയുടെ പുതിയ താമസ സ്ഥലത്തെത്തി അഭിഷേക് കൊലപാതകം നടത്തിയത്.
സ്വകാര്യ ഐടി കമ്പനിയിലെ ജോലിക്കാരിയാണ് കൊല്ലപ്പെട്ട കൃതി കുമാരിയെന്ന് പൊലീസ് അറിയിച്ചു. ഭാരതീയ ന്യായ സംഹിതയുടെ (ബിഎൻഎസ്) വകുപ്പ് 103 പ്രകാരമാണ് പൊലീസ് കേസ് റജിസ്റ്റർ ചെയ്തിരിക്കുന്നത്. മധ്യപ്രദേശിൽ നിന്ന് പിടിയിലായ പ്രതിയെ വൈകാതെ തന്നെ ബെംഗളൂരുവിൽ എത്തിക്കും.കേരളത്തിലും നമ്മൾ ഒരുപാട് കൊലപാതകങ്ങൾ ആണ് പ്രണയനൈര്യശ്യത്തിന്റെ പേരിൽ നടന്നിട്ടുള്ളത് . 94 ശതമാനത്തോളം സാക്ഷരത നിരക്കുള്ള കേരളത്തില് ദിനം പ്രതി വര്ദ്ധിച്ചു വരുന്ന ഇത്തരം പ്രണയ കൊലപാതകങ്ങള് വിരല് ചൂണ്ടുന്നത് നമ്മുടെ വിദ്യാഭ്യാസ സമ്പ്രദായങ്ങളിലേക്കും, സമൂഹത്തിന്റെ കാഴ്ചപ്പാടുകളിലേക്കുമാണ്. അതിജീവനത്തിന്റെ സാധ്യതകളിലേക്ക് തിരിഞ്ഞു പോലും നോക്കാതെ ജീവനെടുത്തും സ്വയം ജീവനില്ലാതാക്കിയും നിരവധി പേര് സമൂഹത്തിന് മുന്നില് ചോദ്യ ചിഹ്നമാവുകയാണ്.
ആരോഗ്യകരമായ ബന്ധങ്ങള് എങ്ങനെ സൃഷ്ടിക്കാമെന്നും, അതില് നിന്ന് പിന്തിരിഞ്ഞു നടക്കാന് തീരുമാനിക്കുന്ന വ്യക്തിയുടെ അഭിപ്രായത്തെ അതെ അളവില് പരിഗണിക്കാനും ഉള്ക്കൊള്ളാനും സാധിക്കാതെ വരുന്നിടത്താണ് പ്രണയം പകയായും, മരണമായും മാറുന്നത്.പ്രണയ തകര്ച്ചയുടെ പേരില് കൊല്ലപ്പെട്ടവരുടെ കണക്കുകള് പരിശോധിക്കുമ്പോള്
2021- ല് വനിത ശിശുക്ഷേമ വകുപ്പ് മന്ത്രി വീണ ജോര്ജ് നിയമസഭയില് നല്കിയ കണക്ക് പ്രകാരം 2017 മുതല് 2020 വരെ 350 പെണ്കുട്ടികള്ക്കാണു പ്രണയത്തിന്റെ പേരില് ജീവന് നഷ്ടമായത്. ഞെട്ടിക്കുന്ന വസ്തുത; ഇവരില് 10 പേര് കൊല്ലപ്പെടുകയായിരുന്നു.2017ല് 83 പെണ്കുട്ടികള്ക്കായിരുന്നു ജീവഹാനിയുണ്ടായത്. മൂന്ന് പേര് കൊല്ലപ്പെട്ടപ്പോള്, 80 പേര് ആത്മഹത്യ ചെയ്തു. 2018 ല് പ്രണയം മൂലം കൊലപാതകങ്ങള് റിപ്പോര്ട്ട് ചെയ്തിട്ടില്ല. 2019ല് അഞ്ചു കൊലപാതകങ്ങളും 88 ആത്മഹത്യകളും ഉള്പ്പെടെ 93 കേസുകള് റിപ്പോര്ട്ട് ചെയ്തു. പ്രണയബന്ധങ്ങളുടെ പേരില് 2020 ലാണ് ഏറ്റവും കൂടുതല് പെണ്കുട്ടികള് മരണപ്പെട്ടത്. രണ്ട് കൊലപാതകങ്ങളും 96 ആത്മഹത്യകളും അടക്കം 98 കേസുകളാണ് റിപ്പോര്ട്ട് ചെയ്തത്.
https://www.facebook.com/Malayalivartha