മഹാരാഷ്ടയില്‍ നിന്നുള്ള കോണ്‍ഗ്രസ് എം.പി വസന്ത് ചവാന്‍(69) അന്തരിച്ചു. വൃക്ക സംബന്ധമായ അസുഖത്തെ തുടര്‍ന്ന് കഴിഞ്ഞ ആഴ്ച മുതല്‍ ഹൈദരാബാദിലെ സ്വകാര്യ ആശുപത്രിയില്‍ ചികിത്സയില്‍ കഴിയുകയായിരുന്നു.

ദീര്‍ഘനാളായി അസുഖ ബാധിതനായിരുന്നു അദ്ദേഹം . പുലര്‍ച്ചെ 4 മണിയോടെയായിരുന്നു മരണം സംഭവിച്ചത്. അന്ത്യകര്‍മ്മങ്ങള്‍ നൈഗാവില്‍ രാവിലെ 11 മണിക്ക് നടത്തുമെന്ന് വൃത്തങ്ങള്‍ . അനാരോഗ്യത്തെയും കൂടെയുള്ളവരുടെ കൂറുമാറ്റത്തെയും പിന്‍തള്ളിയാണ് അദ്ദേഹം നന്ദേഡ് ലോക്സഭാ സീറ്റില്‍ വിജയിച്ചത്. സിറ്റിങ് എം.പിയായിരുന്ന പ്രതാപ് ചിഖലികറിനെയാണ് വസന്തറാവു പരാജയപ്പെടുത്തിയത്.