കേരളത്തില്‍ നിന്നുള്ള ബി.ജെ.പി നേതാവും കേന്ദ്ര ഫിഷറീസ്, മൃഗസംരക്ഷണ, ക്ഷീരവികസന സഹ മന്ത്രിയുമായ ജോര്‍ജ് കുര്യന്‍ മധ്യപ്രദേശില്‍ നിന്ന് രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടു. രാജ്യസഭാംഗമാകാന്‍ അവസരം നല്‍കിയ പ്രധാനമന്ത്രി നരേന്ദ്ര മോദിക്ക് നന്ദി പറഞ്ഞ് ജോര്‍ജ് കുര്യന്‍ .


മധ്യപ്രദേശിനും കേരളത്തിനുമിടയിലെ ചങ്ങലയായി പ്രവര്‍ത്തിക്കുമെന്നും അദ്ദേഹം പറഞ്ഞു. ഉരുള്‍പൊട്ടല്‍ ദുരന്തമുണ്ടായ വയനാടിനുള്ള മദ്ധ്യപ്രദേശിന്റെ 20 കോടി രൂപ സഹായം ഇരു സംസ്ഥാനങ്ങളും തമ്മിലുള്ള ബന്ധത്തിന് തെളിവാണ്. ധനസഹായം നല്‍കിയ മധ്യപ്രദേശ് മുഖ്യമന്ത്രി മോഹന്‍ യാദവിന് കേരളത്തിലെ ജനങ്ങള്‍ക്ക് വേണ്ടി അദ്ദേഹം നന്ദി രേഖപ്പെടുത്തുകയും ചെയ്തു. മുഖ്യമന്ത്രി മോഹന്‍ യാദവ്, സംസ്ഥാന ബി.ജെ.പി പ്രസിഡന്റ് വി.ഡി. ശര്‍മ്മ തുടങ്ങിയവര്‍ കുര്യനെ അഭിനന്ദിക്കുകയും ചെയ്തു.