ആന്ധ്രപ്രദേശിലെ കിഴക്കന്‍ ഗോദാവരി ജില്ലയില്‍ ട്രക്ക് നിയന്ത്രണം നഷ്ടപ്പെട്ട് കനാലിലേക്ക് മറിഞ്ഞ് ഏഴുപേര്‍ക്ക് ദാരുണാന്ത്യം
ആന്ധ്രപ്രദേശിലെ കിഴക്കന്‍ ഗോദാവരി ജില്ലയില്‍ ട്രക്ക് നിയന്ത്രണം നഷ്ടപ്പെട്ട് കനാലിലേക്ക് മറിഞ്ഞ് ഏഴുപേര്‍ക്ക് ദാരുണാന്ത്യം. ചൊവ്വാഴ്ച രാത്രിയാണ് അപകടം ഉണ്ടായത്. ദേവരപ്പള്ളി ഗ്രാമത്തിന് സമീപത്തായി കശുവണ്ടിയും എട്ടുയാത്രക്കാരുമായി ജംഗ്‌റെഡ്ഡിഗുഡെമില്‍ നിന്ന് വരികയായിരുന്ന ട്രക്ക് റോഡില്‍ നിന്ന് തെന്നി കനാലിലേക്ക് മറിയുകയായിരുന്നു. .
കുഴി ഒഴിവാക്കാനായി ശ്രമിക്കുന്നതിനിടെ ഡ്രൈവര്‍ക്ക് നിയന്ത്രണം നഷ്ടപ്പെട്ടതാണ് വാഹനം മറിയാന്‍ ഇടയാക്കിയതെന്ന് പൊലീസ് .ലോറിയുടെ മുകളില്‍ ഇരുന്ന ഏഴുപേരും സംഭവസ്ഥലത്തുവെച്ച് മരിച്ചു.
ഒരാളെ രക്ഷപ്പെടുത്തി അടുത്തുള്ള ആശുപത്രിയില്‍ പ്രവേശിപ്പിച്ചു. മരിച്ചവരുടെ മൃതദേഹങ്ങള്‍ കൊവ്വൂര്‍ സര്‍ക്കാര്‍ ആശുപത്രിയിലേക്ക് മാറ്റി. അപകടത്തില്‍ മുഖ്യമന്ത്രി ചന്ദ്രബാബു നായിഡു ഞെട്ടലും ദുഃഖവും രേഖപ്പെടുത്തി. മരിച്ചവരുടെ കുടുംബങ്ങളെ അനുശോചനം അറിയിക്കുകയും അപകടത്തില്‍ പരിക്കേറ്റവര്‍ക്ക് മെച്ചപ്പെട്ട ചികിത്സ ലഭ്യമാക്കാന്‍ ഉദ്യോഗസ്ഥര്‍ക്ക് നിര്‍ദേശം നല്‍കി.
https://www.facebook.com/Malayalivartha
