രാജസ്ഥാനിലെ ദൗസയില്‍ രണ്ടര വയസ്സുകാരി കുഴല്‍ക്കിണറില്‍ വീണു... രക്ഷിക്കാനുള്ള ശ്രമം ഊര്‍ജ്ജിതത്തില്‍... ബുധനാഴ്ച വൈകുന്നേരം അഞ്ച് മണിയോടെയാണ് നീരു എന്ന രണ്ടരവയസ്സുകാരി കിണറ്റില്‍ വീണ സംഭവം പുറത്തറിയുന്നത്.

35 അടി താഴ്ചയിലാണ് കുട്ടി കുടുങ്ങിക്കിടക്കുന്നതെന്ന് അധികൃതര്‍ . വീടിന് സമീപത്തെ കൃഷിയിടത്തില്‍ കളിക്കുന്നതിനിടെയാണ് കുഴല്‍ക്കിണറില്‍ വീഴുകയായിരുന്നു.

കുട്ടിയെ രക്ഷിക്കാനുള്ള പ്രവര്‍ത്തനങ്ങളെല്ലാം ആരംഭിച്ചതായി അധികൃതര്‍ വ്യക്തമാക്കി. നിലവില്‍ ജെസിബി ഉപയോഗിച്ച് സമീപപ്രദേശങ്ങളിലെ മണ്ണ് നീക്കാന്‍ ആരംഭിച്ചു. കുട്ടിക്ക് ഓക്‌സിജന്‍ ലഭ്യത ഉറപ്പുവരുത്തുന്നുണ്ട്. കുഴിയില്‍ കാമറ സ്ഥാപിച്ച് പൈപ്പ് വഴിയാണ് ഓക്‌സിജന്‍ എത്തിക്കുന്നതെന്ന് ബന്ദികുയി എസ്ഐ പ്രേംചന്ദ് പറഞ്ഞു. പ്രദേശത്ത് ഇരുട്ടായതും മഴയും രക്ഷാപ്രവര്‍ത്തനത്തെ പ്രതികൂലമായി ബാധിക്കുന്നുണ്ടെന്ന് അധികൃതര്‍ .

കുഴിയില്‍ മഴവെള്ളം കയറാതിരിക്കാനായി ടെന്റ് കെട്ടിയാണ് രക്ഷാപ്രവര്‍ത്തനം നടത്തുന്നത്.