തീവണ്ടിയില്‍ നിന്നു വീണ യുവാവ് രക്ഷപ്പെട്ടത് അത്ഭുതകരമായി... ഒറ്റക്കല്‍-ഇടമണ്‍ സ്റ്റേഷനുകള്‍ക്കിടയില്‍ ഉദയഗിരി ഭാഗത്താണ് അപകടം
തീവണ്ടിയില്‍ നിന്നു വീണ യുവാവ് രക്ഷപ്പെട്ടത് അത്ഭുതകരമായി... ഒറ്റക്കല്‍-ഇടമണ്‍ സ്റ്റേഷനുകള്‍ക്കിടയില്‍ ഉദയഗിരി ഭാഗത്താണ് അപകടം
തിരുനെല്‍വേലി അയ്യാപുരം സ്വദേശി മധുസൂദനാ(19)ണ് നിസ്സാര പരിക്കുകളോടെ രക്ഷപ്പെട്ടത്.
ഞായറാഴ്ച പുലര്‍ച്ചെ ഒന്നരയോടെയാണ് സംഭവം. വന്യമൃഗശല്യം രൂക്ഷമായ പ്രദേശത്താണ് വീണത്. തൂത്തുക്കുടിയിലേക്കുള്ള പാലരുവി എക്‌സ്പ്രസില്‍ യാത്ര ചെയ്യുമ്പോഴാണ് യുവാവ് അപകടത്തില്‍പ്പെട്ടത്.
മധുസൂദന്‍ ശൗചാലയത്തില്‍ പോയി തിരികെ വരുന്നതിനിടെ ട്രെയിനിന്റെ കതകുതട്ടി പുറത്തേക്ക് തെറിച്ചുവീഴുകയായിരുന്നു. കൂടെയുണ്ടായിരുന്ന ബന്ധുക്കള്‍ റെയില്‍വേ സംരക്ഷണസേനയെ വിവരമറിയിക്കുകയും ചെയ്തു.
ഉടന്‍ തന്നെ വീണുകിടന്ന സ്ഥലത്തിന്റെ ലൊക്കേഷന്‍ യുവാവ് മൊബൈല്‍ ഫോണ്‍വഴി ബന്ധുക്കള്‍ക്ക് അയച്ചുകൊടുത്തു. ഇതുപയോഗിച്ചു നടത്തിയ തെരച്ചിലില്‍ അരമണിക്കൂറിനുശേഷം യുവാവിനെ കണ്ടെത്തി. കാലിനു പരിക്കേറ്റ യുവാവിനെ ആനപെട്ടകോങ്കല്‍ ഭാഗത്തേക്ക് എത്തിക്കുകയും ഉദ്യോഗസ്ഥരുടെ സാന്നിധ്യത്തില്‍ വിട്ടയയ്ക്കുകയും ചെയ്തു.
ഓച്ചിറയില്‍ നിന്ന് തിരുനെല്‍വേലിയിലേക്ക് ബന്ധുക്കള്‍ക്കൊപ്പം ഓണാവധിക്ക് പോകുകയായിരുന്നു മധുസൂദനന്‍. പുനലൂര്‍-ചെങ്കോട്ട റെയില്‍പ്പാതയില്‍ സ്ഥിരമായി അപകടം നടക്കുന്ന സ്ഥലത്താണ് മധുസൂദന്‍ വീണത്. തെറിച്ചുവീണ ഭാഗത്ത് പുല്ലും വള്ളിപ്പടര്‍പ്പും നിറഞ്ഞതിനാലാണ് ജീവന്‍ തിരിച്ചു കിട്ടിയത്.
"
https://www.facebook.com/Malayalivartha
