ആ യാത്ര അവസാന യാത്രയായി... ഉത്തരാഖണ്ഡില്‍ മലയാളി യുവാവ് കുഴഞ്ഞ് വീണ് മരിച്ചു. ഉത്തരാഖണ്ഡിലെ ജോഷിമഠില്‍ ട്രക്കിംഗിന് പോയ മലയാളി ഇടുക്കി കമ്പിളികണ്ടം - മുക്കുടം സ്വദേശി പൂവത്തിങ്കല്‍ അലന്‍ ആണ് മരിച്ചത്.

അലന്‍ അടക്കം നാലംഗ സംഘമാണ് ട്രക്കിംഗിന് പോയത്. സെപ്തംബര്‍ ഇരുപതിനാണ് സംഘം ട്രക്കിങ്ങിനായി പോയത്. ഇന്നലെ മലമുകളില്‍ വച്ച് ദേഹാസ്വാസ്ഥ്യം അനുഭവപ്പെടുകയായിരുന്നു.

തുടര്‍ന്ന് എംഡിആര്‍എഫ് സംഘം എത്തി ചുമന്നാണ് ബേസ് ക്യാമ്പില്‍ എത്തിച്ചത്. എന്നാല്‍ ഇവിടെ വച്ച് മരണം സംഭവിക്കുകയായിരുന്നു. യുവാവിന്റെ മൃതദേഹം ആശുപത്രിയിലേക്ക് മാറ്റി. മരണ വിവരം ബന്ധുക്കളെ അറിയിച്ചു.