തമിഴ്നാട്ടിലെ വിരുദുനഗറില്‍ പടക്ക നിര്‍മ്മാണ ഫാക്ടറിയില്‍ സ്‌ഫോടനം.... സ്ഥിതിഗതികള്‍ നിയന്ത്രണവിധേയമാക്കാനായിട്ടില്ല
തമിഴ്നാട്ടിലെ വിരുദുനഗറില്‍ പടക്ക നിര്‍മ്മാണ ഫാക്ടറിയില്‍ സ്‌ഫോടനം.... സ്ഥിതിഗതികള്‍ നിയന്ത്രണവിധേയമാക്കാനായിട്ടില്ല. സത്തൂര്‍ മേഖലയിലെ പടക്ക നിര്‍മാണ ഫാക്ടറിയിലാണ് ഇന്ന് വന്‍ സ്‌ഫോടനം നടന്നത്്.
ഫാക്ടറിയില്‍ ഇപ്പോഴും തീ ആളിപ്പടരുകയാണെന്നാണ് ഫയര്‍ ആന്‍ഡ് റെസ്‌ക്യൂ ഡിപ്പാര്‍ട്ട്മെന്റിലെ ഉദ്യോഗസ്ഥര്‍ . ഫാക്ടറിയില്‍ ഇപ്പോഴും സ്ഫോടനങ്ങള് തുടരുകയാണെന്നാണ് സൂചനകളുള്ളത്. സ്ഥിതിഗതികള്‍ നിയന്ത്രണവിധേയമാക്കാനായി ഇതുവരെ കഴിഞ്ഞിട്ടില്ല.
ഫാക്ടറിയ്ക്കുള്ളില്‍ സ്ഫോടനങ്ങള് തുടരുന്നതിനാല്‍ ആര്‍ക്കും അതിന് അടുത്തേയ്ക്ക് എത്താനാകുന്നില്ല. തീപിടിത്തത്തില്‍ ഇതുവരെ ആളപായമൊന്നും റിപ്പോര്‍ട്ട് ചെയ്തിട്ടില്ല. സ്‌ഫോടനത്തിന് പിന്നിലെ കാരണം എന്താണെന്ന് അന്വേഷണത്തിന് ശേഷമേ വ്യക്തമാകുകയുള്ളൂ.
മുമ്പും സെപ്റ്റംബര്‍ 19ന് വിരുദുനഗര്‍ ജില്ലയില്‍ സമാനമായ രീതിയില്‍ പടക്ക നിര്‍മ്മാണ ഫാക്ടറിയില്‍ സ്‌ഫോടനം നടന്നിരുന്നു. വെമ്പക്കോട്ടയ്ക്കടുത്തുള്ള പടക്ക നിര്‍മാണ ഫാക്ടറിയില്‍ വന്‍ സ്‌ഫോടനമാണ് നടന്നിരുന്നത്.
https://www.facebook.com/Malayalivartha
