ജമ്മു-കശ്മീര്‍ തെരഞ്ഞെടുപ്പില്‍ അവസാനഘട്ട വോട്ടെടുപ്പ് നാളെ നടക്കും. പരസ്യപ്രചാരണം ഞായറാഴ്ച അവസാനിച്ചിരുന്നു. എട്ടിനാണ് വോട്ടെണ്ണല്‍ നടക്കുക. മൂന്നാംഘട്ടത്തില്‍ ഏഴു ജില്ലകളിലെ 40 നിയമസഭ മണ്ഡലങ്ങളിലേക്കുള്ള വോട്ടെടുപ്പാണ് നടക്കുന്നത്. ഇതില്‍ 24 എണ്ണം ജമ്മു ഡിവിഷനിലാണ്.

ആകെ 415 സ്ഥാനാര്‍ഥികളാണ് മത്സരരംഗത്തുള്ളത്. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയും പാര്‍ട്ടിനേതാവ് സച്ചിന്‍ പൈലറ്റും ഞായറാഴ്ച വിവിധ റാലികളില്‍ പങ്കെടുക്കുകയും ചെയ്തു.

വോട്ടെടുപ്പ് കണക്കിലെടുത്ത് വന്‍സുരക്ഷയാണ് ഒരുക്കിയത്. ആദ്യ രണ്ട് ഘട്ട വോട്ടെടുപ്പ് സമാധാനപരമായിട്ടായിരുന്നു നടന്നത്.