ജമ്മുകാശ്മീര്‍ നിയമസഭ തിരഞ്ഞെടുപ്പിന്റെ മൂന്നാമത്തെയും അവസാനത്തെയും ഘട്ടം ഇന്ന്. 40 സീറ്റുകളില്‍ 39.18 ലക്ഷം വോട്ടര്‍മാര്‍ 415 സ്ഥാനാര്‍ത്ഥികളുടെ വിധി നിര്‍ണയിക്കുകയും ചെയ്യും.

കുപ്വാര, ബാരാമുള്ള, ബന്ദിപ്പോര, ഉധംപൂര്‍, സാംബ, കത്വ, ജമ്മു ജില്ലകളിലാണ് വോട്ടെടുപ്പ്. ജമ്മുവില്‍ 24 സീറ്റുകളില്‍ ബി.ജെ.പിയും 19 സീറ്റുകളില്‍ കോണ്‍ഗ്രസും മത്സരിക്കുന്നു.

കാശ്മീര്‍ ഡിവിഷനിലെ 16 മണ്ഡലങ്ങളിലും മത്സരം ശക്തമാണ്. ബി.ജെ.പിയും കോണ്‍ഗ്രസും അഞ്ച് വീതം സീറ്റുകളിലും നാഷണല്‍ കോണ്‍ഫറന്‍സ് 13 സീറ്റുകളിലും മെഹബൂബ മുഫ്തിയുടെ പി.ഡി.പി 15 സീറ്റുകളിലും മത്സരിക്കുന്നു. സെപ്തംബര്‍ 18ന് ആദ്യഘട്ടവും 25ന് രണ്ടാം ഘട്ട വോട്ടെടുപ്പും നടന്നു. ഹരിയാനയ്ക്കൊപ്പം ഒക്ടോബര്‍ എട്ടിനാണ് വോട്ടെണ്ണല്‍ നടക്കുക.