ഹരിയാന, ജമ്മുകാശ്മീര്‍ നിയമസഭാ തിരഞ്ഞെടുപ്പിന്റെ വോട്ടെണ്ണല്‍ ഇന്ന്... രാവിലെ 8ന് ആരംഭിക്കും. ഉച്ചയോടെ പൂര്‍ത്തിയാകുന്നതാണ്. രണ്ടിടത്തും 90 അംഗ സഭകളാണ്. ഹരിയാനയില്‍ ഒറ്റ ഘട്ടമായും ജമ്മുകാശ്മീരില്‍ മൂന്ന് ഘട്ടമായുമാണ് വോട്ടെടുപ്പ് നടന്നത്.

ഹരിയാനയില്‍ പത്തു വര്‍ഷമായി ഭരണത്തിലുള്ള ബി.ജെ.പിയും തിരിച്ചുവരവിന് ശ്രമിക്കുന്ന കോണ്‍ഗ്രസും തമ്മിലാണ് പ്രധാനമായും പോര്. 370ാം വകുപ്പ് റദ്ദാക്കിയ ശേഷം ജമ്മുകാശ്മീരില്‍ നടക്കുന്ന തിരഞ്ഞെടുപ്പില്‍ കോണ്‍ഗ്രസ്‌നാഷണല്‍ കോണ്‍ഫറന്‍സ് സഖ്യവും, ബി.ജെ.പിയും തമ്മിലാണ് പ്രധാന മത്സരമുള്ളത്. ഹരിയാന കോണ്‍ഗ്രസിനൊപ്പമെന്നാണ് എക്‌സിറ്റ് പോളുകള്‍ സൂചിപ്പിക്കുന്നത്. ജമ്മു കാശാമീരില്‍ തൂക്കുസഭയും പ്രവചിക്കുന്നുണ്ട്.