ഹരിയാന നിയമസഭ തെരഞ്ഞെടുപ്പില്‍ വോട്ടെണ്ണല്‍... കോണ്‍ഗ്രസ് വന്‍ ലീഡിലേക്കാണ് കുതിക്കുന്നത്. 58 സീറ്റിലാണ് കോണ്‍ഗ്രസ് മുന്നിട്ടു നില്‍ക്കുന്നത്. ജുലാനയില്‍ ഗുസ്തി താരം വിനേഷ് ഫോഗട്ട് മുന്നിലാണ്. മുഖ്യമന്ത്രി നായബ് സിങ് സൈനി പിന്നിലാണ്. മുന്‍ ഉപമുഖ്യമന്ത്രി ജെജെപിയുടെ ദുഷ്യന്ത് ചൗതാല പിന്നിലാണ്.


ഹരിയാനയില്‍ ആകെ 90 സീറ്റുകളിലേക്കാണ് വോട്ടെടുപ്പ് നടന്നത്. 46 സീറ്റുകളാണ് കേവല ഭൂരിപക്ഷത്തിന് വേണ്ടത്. അധികാരത്തില്‍ ഹാട്രിക് ലക്ഷ്യമിട്ടാണ് ബിജെപി മത്സരത്തിനിറങ്ങിയത്. എന്നാല്‍ ഭരണം തിരിച്ചുപിടിക്കുക എന്ന ലക്ഷ്യവുമായിട്ടായിരുന്നു കോണ്‍ഗ്രസിന്റെ പോരാട്ടം.


ജമ്മു കശ്മീര്‍, ഹരിയാന നിയമസഭ തെരഞ്ഞെടുപ്പിന്റെ വോട്ടെണ്ണല്‍ ആരംഭിച്ചു. ആദ്യ സൂചനകള്‍ പ്രകാരം ഹരിയാനയില്‍ കോണ്‍ഗ്രസാണ് മുന്നേറുന്നത്. ലീഡ് നിലയില്‍ ആരംഭത്തില്‍ തന്നെ കോണ്‍ഗ്രസ് കേവലഭൂരിപക്ഷം കടന്നു. ജമ്മു കശ്മീരില്‍ ഇഞ്ചോടിഞ്ച് പോരാട്ടമാണുള്ളത്.