പ്രമുഖ വ്യവസായി രത്തന്‍ ടാറ്റക്ക് ആദരാഞ്ജലി അര്‍പ്പിച്ച് കായികലോകം...
പ്രമുഖ വ്യവസായി രത്തന്‍ ടാറ്റക്ക് ആദരാഞ്ജലി അര്‍പ്പിച്ച് കായികലോകം. തങ്ക ഹൃദയമുള്ള മനുഷ്യനെന്നായിരുന്നു ഇന്ത്യന്‍ ക്യാപ്റ്റന്‍ രോഹിത് ശര്‍മ ടാറ്റയെ അനുസ്മരിച്ചത്.
തന്റെ ജീവിതം പോലെ മറ്റുള്ളവര്‍ക്കും മെച്ചപ്പെട്ട ജീവിതം സമ്മാനിക്കാന്‍ പ്രയത്‌നിച്ച വ്യക്തിയെന്ന നിലയില്‍ താങ്കള്‍ എക്കാലവും ഓര്‍മിക്കപ്പെടുമെന്ന് രോഹിത് എക്‌സ് പോസ്റ്റില്‍ കുറിക്കുകയും ചെയ്തു.
താങ്കളുടെ മഹത്വം താങ്കളുണ്ടാക്കിയ സ്ഥാപനങ്ങളിലൂടെയും മൂല്യങ്ങളിലൂടെയും എക്കാലത്തും ജ്വലിച്ചു നില്‍ക്കുമെന്ന് ബാറ്റിംഗ് ഇതിഹാസം സച്ചിന്‍ ടെന്‍ഡുല്‍ക്കര്‍ കുറിച്ചു.
ഒരു യുഗാന്ത്യം എന്നായിരുന്നു ഇന്ത്യന്‍ ടി20 ക്യാപ്റ്റന്‍ സൂര്യകുമാര്‍ യാദവ് എക്‌സില്‍ കുറിച്ചത്. ദയയെന്ന വാക്കിന്റെ പാരമ്യം. പ്രചോദനത്തിന്റെ ആള്‍രൂപം, നിങ്ങള്‍ ഒരുപാട് ആളുകളുടെ ഹൃദയം തൊട്ടു. താങ്കളുടെ ജീവിതം തന്നെ രാജ്യത്തിന് അനുഗ്രഹമായി. താങ്കളുടെ ഒരിക്കലും അവസാനിക്കാത്ത നിരുപാധിക സേവനത്തിന് നന്ദി. നിങ്ങളുടെ പേര് ഈ ലോകത്ത് എന്നും ഓര്‍മിക്കപ്പെടുമെന്നായിരുന്നു സൂര്യയുടെ വാക്കുകള്‍.
"
https://www.facebook.com/Malayalivartha
