മഹാരാഷ്ട്ര മുന്‍മന്ത്രിയും എന്‍.സി.പി അജിത് പവര്‍ വിഭാഗം നേതാവുമായ ബാബാ സിദ്ദിഖ് അജ്ഞാതരുടെ വെടിയേറ്റ് മരിച്ചു....
മഹാരാഷ്ട്ര മുന്‍മന്ത്രിയും എന്‍.സി.പി അജിത് പവര്‍ വിഭാഗം നേതാവുമായ ബാബാ സിദ്ദിഖ് അജ്ഞാതരുടെ വെടിയേറ്റ് മരിച്ചു.... അജ്ഞാതരായ മൂന്നു പേരാണ് മുംബൈ ബാന്ദ്രയില്‍ വെച്ച് അദ്ദേഹത്തിന് നേരെ വെടിവെച്ചത്.
ഗുരുതരമായി പരിക്കേറ്റ ബാബാ സിദ്ദിഖിനെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.. വയറിലും നെഞ്ചിലുമായി 6 വെടിയുണ്ടകള്‍ ശരീരത്തില്‍ തുളഞ്ഞുകയറുകയായിരുന്നു.മുംബൈ ബാന്ദ്ര ഈസ്റ്റിലെ എംഎല്‍എ ആയ മകന്റെ ഓഫീസില്‍ വെച്ചാണ് ബാബാ സിദ്ദിഖിന് നേരെ അജ്ഞാതര്‍ വെടിവെച്ചത്.
ഓഫീസില്‍ നിന്ന് കാറിലേക്ക് കയറാനായി തുടങ്ങുന്നതിനിടെ വെടിയേല്‍ക്കുകയായിരുന്നു. അതീവ ഗുരുതരാവസ്ഥയില്‍ ഉടന്‍ തന്നെ ആശുപത്രിയില്‍ എത്തിക്കുകയായിരുന്നു. ഡോക്ടര്‍മാര്‍ ആറ് വെടിയുണ്ടകളും ശരീരത്തില്‍ നിന്ന് പുറത്തെടുത്തെങ്കിലും പരിക്ക് ഗുരുതരമായതിനാല്‍ ജീവന്‍ രക്ഷിക്കാനായി കഴിഞ്ഞില്ല.
https://www.facebook.com/Malayalivartha
