കണ്ണീര്‍ക്കാഴ്ചയായി... തെലങ്കാനയിലെ മേദക് ജില്ലയില്‍ കാര്‍ തോട്ടിലേക്ക് മറിഞ്ഞ് മൂന്ന് പെണ്‍കുട്ടികള്‍ ഉള്‍പ്പെടെ കുടുംബത്തിലെ ഏഴ് പേര്‍ക്ക് ദാരുണാന്ത്യം.
ഒരാള്‍ക്ക് പരിക്കേല്‍ക്കുകയും ചെയ്തു. ഇയാളെ ആശുപത്രിയിലേക്ക് മാറ്റിയിരിക്കുകയാണ്. ഭീംല തണ്ടയില്‍ താമസിച്ചിരുന്ന കുടുംബം ബുധനാഴ്ച തൂപ്രാനില്‍ നിന്ന് മടങ്ങുകയായിരുന്നു.അപകടത്തെക്കുറിച്ച് അറിഞ്ഞയുടന്‍ പോലീസും പ്രാദേശിക ഉദ്യോഗസ്ഥരും രക്ഷാപ്രവര്‍ത്തനത്തിനായി സ്ഥലത്തെത്തി. അപ്പോഴേക്കും കുടുംബത്തിലെ എല്ലാ അംഗങ്ങളും മരിച്ചിരുന്നു.


റോഡരികിലെ തോട്ടിലേക്ക് വീഴുന്നതിന് മുമ്പ് കാര്‍ മരത്തില്‍ ഇടിച്ചതായി പോലീസ് . കുടുംബ ചടങ്ങില്‍ പങ്കെടുത്ത് മടങ്ങുകയായിരുന്നവരാണ് വാഹനത്തിലുണ്ടായിരുന്നത്. മേദക് ജില്ലയിലുണ്ടായ അപകടത്തില്‍ മുഖ്യമന്ത്രി രേവന്ത് റെഡ്ഡി ദുഃഖം രേഖപ്പെടുത്തി.

അധികൃതരുമായി സംസാരിച്ച റെഡ്ഡി പരിക്കേറ്റവര്‍ക്ക് മെച്ചപ്പെട്ട ചികിത്സയും ആവശ്യമായ സഹായവും നല്‍കാന്‍ നിര്‍ദേശം നല്‍കി. മരണമടഞ്ഞ കുടുംബാംഗങ്ങള്‍ക്ക് അദ്ദേഹം അനുശോചനമറിയിക്കുകയും ചെയ്തു.