ബ്രിക്സ് ഉച്ചകോടിക്ക് പ്രധാനമന്ത്രി നരേന്ദ്രമോദി ഈമാസം 22, 23 തിയതികളില്‍ റഷ്യ സന്ദര്‍ശിക്കും.... റഷ്യന്‍ പ്രസിഡന്റ് വ്‌ളാഡിമിര്‍ പുട്ടിന്‍ അടക്കം ലോക നേതാക്കളുമായി കൂടിക്കാഴ്ച നടത്തും . മൂന്നാം തവണ അധികാരത്തിലെത്തിയ ശേഷം മോദിയുടെ രണ്ടാം റഷ്യന്‍ സന്ദര്‍ശനമാണിത്.

റഷ്യയിലെ കസാനില്‍ നടക്കുന്ന 16-ാമത് ബ്രിക്സ് ഉച്ചകോടിക്ക് പ്രസിഡന്റ് വ്‌ളാഡിമിര്‍ പുട്ടിന്റെ ക്ഷണപ്രകാരമാണ് മോദി പോകുന്നത്. ജൂലായിലും മോദി റഷ്യ സന്ദര്‍ശിച്ചിട്ടുണ്ടായിരുന്നു. ആഗോള വികസനവും സുരക്ഷയുമാണ് ഈ ഉച്ചകോടിയുടെ പ്രമേയം

.2023-ലെ ദക്ഷിണാഫ്രിക്ക ഉച്ചകോടിയില്‍ അംഗത്വം ലഭിച്ച ഈജിപ്ത്, ഇറാന്‍, എത്യോപ്യ, യു.എ.ഇ രാജ്യങ്ങള്‍ ഉള്‍പ്പെടെ ഒമ്പത് അംഗ കൂട്ടായ്മയായ ശേഷമുള്ള ആദ്യത്തെ ഉച്ചകോടിയാണിത്.

്. ഏഷ്യ, ആഫ്രിക്ക, മധ്യേഷ്യ, ലാറ്റിന്‍ അമേരിക്ക പ്രതിനിധികളെ ഉള്‍പ്പെടുത്തി ബ്രിക്സും ഗ്ലോബല്‍ സൗത്തും ഒന്നിച്ച് ലോകത്തിന്റെ ഭാവി നിര്‍മ്മിക്കല്‍ എന്ന വിഷയത്തില്‍ ചര്‍ച്ചയുണ്ടാകും. 24 രാജ്യങ്ങളിലെ നേതാക്കളും 32 രാജ്യങ്ങളുടെ പ്രതിനിധികളും പങ്കെടുക്കുന്നതാണ്.