തമിഴ്‌നാട് കോയമ്പത്തൂരില്‍ കനത്ത മഴ തുടരുന്നു... വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ച് കളക്ടര്‍
തമിഴ്‌നാട് കോയമ്പത്തൂരില്‍ കനത്ത മഴ തുടരുന്നു. ജില്ലയില്‍ മഴക്കെടുതി രൂക്ഷമായതിനാല്‍ വിദ്യാഭ്യാസ സ്ഥാപനങ്ങള്‍ക്ക് ജില്ലാ കളക്ടര്‍ ക്രാന്തി കുമാര്‍ അവധി പ്രഖ്യാപിച്ചു. ഡാന ചുഴലിക്കാറ്റ് മുന്നറിയിപ്പിനെ തുടര്‍ന്ന് 152 ട്രെയിനുകള്‍ റദ്ദാക്കി.
കനത്ത മഴയെ തുടര്‍ന്ന് പലയിടങ്ങളിലും വെള്ളം കയറി റോഡ് ഗതാഗതം തടസപ്പെട്ടു. കാളപ്പട്ടി, സുങ്കം തുടങ്ങി നിരവധി സ്ഥലങ്ങളിലെ താഴ്ന്ന പ്രദേശങ്ങള്‍ വെള്ളത്തിനടിയിലാണ്. മുത്തമ്പാളയത്ത് രണ്ട് കാറുകള്‍ ഒഴുകിപ്പോയി. തിരുപ്പൂര്‍ ജില്ലയിലെ അമരാവതി ഡാമിന്റെ ഉടുമല്‍പ്പേട്ട് ഡിവിഷനില്‍ ക്രമാതീതമായി ജലനിരപ്പുയരുന്നതിനാല്‍ ജില്ലാ ഭരണകൂടം ജാഗ്രതാ നിര്‍ദേശം നല്‍കി.
ഇന്നലെ ഡാമിലെ ജലനിരപ്പ് 85.24 അടിയിലേക്ക് ഉയര്‍ന്നു. കനത്ത മഴ തുടരുന്ന സാഹചര്യത്തില്‍ തിരുപ്പൂര്‍ ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ജില്ലാ കളക്ടര്‍ അവധി പ്രഖ്യാപിച്ചു.
https://www.facebook.com/Malayalivartha
