ഭീതി വിതച്ച് ദന എത്തുമ്പോൾ . എല്ലാം ഒരുക്കങ്ങളും പൂർത്തിയാക്കി ജില്ലാ ഭരണകൂടം. പലപ്പോഴും ഇത്തരത്തിൽ പല ചുഴലിക്കാറ്റുകളും നമ്മുക്ക് ഭീഷണിയായി എത്താറുണ്ട് . ചിലതെല്ലാം കനത്ത നാശം വിതച്ചേ പോകാറുള്ളൂ . കൃത്യമായി മുൻ കരുതലുകൾ എടുത്താലും ഒരു പക്ഷെ വിചാരിക്കുന്നതിനേക്കാൾ അപ്പുറമായിരിക്കും ഉണ്ടാകാൻ പോകുന്ന പ്രത്യഘാതം . ഒഡിഷയിൽ ദന ചുഴലിക്കാറ്റിനെ പ്രതിരോധിക്കാൻ സജ്ജമാണെന്ന് അ​ഗ്നിരക്ഷാ സേന. ചുഴലിക്കാറ്റിനെ നേരിടുന്നതിന് ആവശ്യമായ എല്ലാ മുന്നൊരുക്കങ്ങളും പൂർത്തിയായെന്നും

182 ടീമുകളിലായി 2,000-ത്തിലധികം ഉദ്യോ​ഗസ്ഥരെ വിവിധയിടങ്ങളിലായി വിന്യസിച്ചിട്ടുണ്ടെന്നും അ​ഗ്നിരക്ഷാ സേന ഡയറക്ടർ ജനറൽ സുധാൻഷു സാരംഗി പറഞ്ഞു.“ചുഴലിക്കാറ്റിനെ നേരിടാൻ ഞങ്ങൾ തയാറാണ്. ഒഡിഷയിലെ 14 ജില്ലകളിലും ഞങ്ങളുടെ 182 ടീമുകളെ വിന്യസിച്ചിട്ടുണ്ട്. ദേശീയ- സംസ്ഥാന ദുരന്ത നിവാരണ സേനകളും സ്ഥലത്തുണ്ട്. വനംവകുപ്പിൽ നിന്നും കുറച്ച് ടീമിനെ ഉൾപ്പെടുത്തിയാണ് മുന്നൊരുക്കങ്ങൾ നടത്തുന്നത്. അപകട സാധ്യതയുള്ള എല്ലാ ജില്ലകളിൽ നിന്നും ആളുകളെ സുരക്ഷിത സ്ഥാനത്തേക്ക് മാറ്റുന്നതിനുള്ള നടപടികൾ പുരോ​ഗമിക്കുകയാണ്. ക്യാമ്പുകളിലേക്ക് മാറ്റുന്നവർക്ക് ആവശ്യമായ എല്ലാ സൗകര്യങ്ങളും ഒരുക്കികൊടുക്കുമെന്നും” ഉന്നത ഉദ്യോ​ഗസ്ഥൻ പറഞ്ഞു.

ഇന്ന് ഉച്ചയ്‌ക്ക് മുമ്പ് എല്ലാവരെയും മാറ്റി പാർപ്പിക്കണമെന്ന് മുഖ്യമന്ത്രി മോഹൻ ചരൺ നിർദേശിച്ചിട്ടുണ്ട്. എല്ലാവരും സുരക്ഷയ്‌ക്ക് മുൻ​ഗണന നൽകണമെന്നും മുന്നറിയിപ്പ് നിലനിൽക്കുന്ന സാഹചര്യത്തിൽ ജാ​ഗ്രത പുലർത്തണമെന്നും മുഖ്യമന്ത്രി നിർദേശിച്ചു.ഒഡിഷയിലും പശ്ചിമ ബം​ഗാളിലും ദേശീയ ദുരന്ത നിവാരണ സേനയിലെ 150-ലധികം ഉദ്യോ​ഗസ്ഥരെ വിന്യസിച്ചിട്ടുണ്ട്. കൂടാതെ കരസേന, നാവികസേന, കോസ്റ്റ് ഗാർഡ് എന്നീ സംഘങ്ങളും അപകട സാധ്യതാ മേഖലകളിൽ നിലയുറപ്പിച്ചിട്ടുണ്ട്.ബംഗാള്‍ ഉള്‍ക്കടലില്‍ നിന്നുള്ള ന്യൂനമര്‍ദം ശക്തി പ്രാപിച്ച് 25നു പുലര്‍ച്ചെ വടക്കന്‍ ഒഡീഷ, ബംഗാള്‍ തീരങ്ങള്‍ക്കിടയില്‍ കര തൊടുമെന്നാണ് അറിയിപ്പ്. മണിക്കൂറില്‍ 100-110 കിലോമീറ്റര്‍ വേഗത്തില്‍ വീശിയടിക്കുന്ന ശക്തമായ ചുഴലിക്കാറ്റായി ന്യൂനമര്‍ദം മാറുമെന്നും മുന്നറിയിപ്പുണ്ട്.