ഇന്ന് രാവിലെ ഡൽഹിയിൽ നിന്ന് ഹൈദരാബാദിലേക്കുള്ള വിസ്താര എയർലൈൻസ് വിമാനം ജയ്പൂരിലേക്ക് തിരിച്ചുവിട്ടതായി എയർലൈൻ അധികൃതർ അറിയിച്ചു. ഡൽഹിയിൽ നിന്ന് ഹൈദരാബാദിലേക്കുള്ള UK829 ഫ്ലൈറ്റ്   ജയ്പൂരിലേക്ക്   വഴിതിരിച്ചുവിട്ടു,  

അതേസമയം കഴിഞ്ഞ ദിവസം  ബോംബ് ഭീഷണിയെത്തുടർന്ന് നെടുമ്പാശേരിയിലിറക്കേണ്ട വിമാനം മുംബൈ വിമാനത്താവളത്തിൽ ഇറക്കി. ദുബൈയിൽ നിന്നും വൈകിട്ട് 6ന് നെടുമ്പാശ്ശേരിയിലിറങ്ങേണ്ട സ്പൈസ് ജെറ്റ് വിമാനമാണ് അടിയന്തരമായി മുംബൈയിൽ ഇറക്കിയത്.

ഇതു കൂടാതെ സ്പെസ് ജെറ്റിന്റെ മറ്റൊരു വിമാനത്തിനും, ഇൻഡിഗോ, വിസ്താര, ആകാശ് എയർ എന്നിവയുടെ ഓരോ വിമാനത്തിനും ഭീഷണിയുണ്ടായി. നെടുമ്പാശേരിയിൽ നിന്നും വിമാനങ്ങൾ പുറപ്പെട്ടതിനു ശേഷമാണ് ട്വിറ്ററിലൂടെയുള്ള ഭീഷണി വിവരം നെടുമ്പാശ്ശേരിയിൽ ലഭിച്ചത്.വ്യാഴാഴ്ച മാത്രം 85 വിമാനങ്ങൾക്കാണ് ഭീഷണി സന്ദേശം ലഭിച്ചത്.