കുറച്ചു കാലമായിട്ട് വിമാനങ്ങൾക്ക് നേരെയുള്ള ഭീഷണികൾ ഉയർന്നു വരുന്ന സാഹചര്യം വളരെ വലുതായിരുന്നു. ഇപ്പോഴിതാവിമാനങ്ങൾക്ക് പിന്നാലെ ട്രെയിനിന് നേരെയും വ്യാജ ബോംബ് ഭീഷണി. ദർഭംഗയിൽ നിന്ന് ന്യൂഡൽഹിയിലേക്ക് പോവുകയായിരുന്ന ട്രെയിനിൽ ബോംബ് ഭീഷണി. 12565 ബീഹാർ സമ്പർക്ക് ക്രാന്തി എക്‌സ്‌പ്രസ് ട്രെയിനിനാണ് ബോംബ് ഭീഷണി ലഭിച്ചത്. വെള്ളിയാഴ്ച വൈകുന്നേരം ഉത്തർപ്രദേശിലെ ഗോണ്ടയിൽ വെച്ചാണ് സംഭവം. ഇത് യാത്രക്കാരിലും സുരക്ഷാ ഉദ്യോഗസ്ഥരിലും പരിഭ്രാന്തി പരത്തി. പരിശോധനയിൽ ഒന്നും കണ്ടെത്താനായില്ല.

ഇന്നലെ വൈകിട്ടോടെയാണ് ഭീഷണി സന്ദേശം ലഭിച്ചത്. ."ഡൽഹി കൺട്രോൾ റൂമിൽ നിന്നുള്ള സൂചനയെത്തുടർന്ന്, ജിആർപിയും ആർപിഎഫും ഉൾപ്പെടെയുള്ള സുരക്ഷാ സേനകൾക്ക് ഉടൻ മുന്നറിയിപ്പ് നൽകി. രാത്രി 7:30 ന് ട്രെയിൻ ഗോണ്ട ജംഗ്ഷനിൽ നിർത്തി ബോംബ് സ്ക്വാഡ് വിശദമായി പരിശോധിച്ചു." ഗോണ്ട സർക്കാർ റെയിൽവേ പോലീസ് (ജിആർപി) ഇൻസ്പെക്ടർ നരേന്ദ്ര പാൽ സിംഗ് പറഞ്ഞു.വ്യാപക തിരച്ചിൽ നടത്തിയെങ്കിലും സംശയാസ്പദമായ വസ്തുക്കളോ സ്‌ഫോടക വസ്തുക്കളോ കണ്ടെത്താനായില്ലെന്ന് അധികൃതർ അറിയിച്ചു.

ഒടുവിൽ ലക്ഷ്യസ്ഥാനത്തേക്ക് പോകാൻ ട്രെയിൻ അനുവദിച്ചു.വ്യാജ ബോംബ് ഭീഷണി അയച്ചവരെ കണ്ടെത്താൻ അന്വേഷണം തുടരുകയാണെന്നും സിംഗ് പറഞ്ഞു.ഭീഷണി സന്ദേശം ലഭിച്ചതിനെ തുടർന്ന് ബോംബ് സ്ക്വാഡ് എത്തി ട്രെയിൻ പരിശോധിച്ചെങ്കിലും ഒന്നും കണ്ടെത്താനായില്ല. പരിശോധനകൾക്ക് ശേഷം യാത്രാനുമതി നൽകി.