ഉറുമ്പ് കടിച്ച് യുവാവിന്  ദാരുണാന്ത്യം .   ആന്ധ്രയിലെ വൈഎസ്ആർ കടപ്പയിലാണ് ഈ സംഭവം ഉണ്ടായിരിക്കുന്നത്. ഉറുമ്പ് കടിച്ചാൽ എങ്ങനെ മരിക്കുമെന്നല്ലേ ? സംഭവം വിശദമാക്കാം ; ഓട്ടോ ഡ്രൈവറായിരുന്ന ദ്വാരകനാഥ റെഡ്ഡിയാണ് ഉറുമ്പിന്റെ കുത്തേറ്റ് മരിച്ചത്. 29 വയസ്സ് ആയിരുന്നു.   ദ്വാരകനാഥ് എരമാടിവാരിപ്പള്ളി സ്വദേശിയാണ് .

ദിവസവും അമിതമായി മദ്യപിക്കാറുണ്ട്  ദ്വാരകാനാഥ്.  തിങ്കളാഴ്ചയും മദ്യപിച്ച് റോഡിൽ ഇയാൾ വീണു. അബോധാവസ്ഥയിൽ കിടന്ന ദ്വാരകനാഥ റെഡ്ഡിയെ ഉറുമ്പുകൾ പൊതിഞ്ഞ നിലയിലായിരുന്നു  നാട്ടുകാർ കണ്ടത് . തുടർന്ന് യുവാവിനെ ഇവർ ഉടൻ തന്നെ സമീപത്തെ ആശുപത്രിയിൽ എത്തിക്കുകയായിരുന്നു .

നില മോശമായതിനെ തുടർന്ന് മദനപ്പള്ളി ജില്ലാ സർക്കാർ ആശുപത്രിയിലേക്ക് മാറ്റി. രണ്ട് ദിവസം ചികിത്സയിലായിരുന്ന ദ്വാരകനാഥ റെഡ്ഡി ബുധനാഴ്ചയോടെ  മരിച്ചു . ഉറുമ്പിന്റെ കടിയേറ്റ് ശരീരത്തിൽ അണുബാധയുണ്ടാകുകയും രക്തസ്രാവം ഉണ്ടാവുകയും ചെയ്തതായി ഡോക്ടർമാർ വ്യക്തമാക്കി.