ഡി.ആര്‍.ഡി.ഒ വികസിപ്പിച്ച ദീര്‍ഘദൂര ലാന്‍ഡ് അറ്റാക്ക് ക്രൂസ് മിസൈല്‍ ഒഡീഷ തീരത്തെ ചാന്ദിപൂര്‍ ഇന്റഗ്രേറ്റഡ് ടെസ്റ്റ് റേഞ്ചില്‍ കന്നി പരീക്ഷണം വിജയകരമായി പൂര്‍ത്തിയാക്കി. പരീക്ഷണ വേളയില്‍ എല്ലാ ഘടകങ്ങളും പ്രതീക്ഷിച്ചതുപോലെ പ്രവര്‍ത്തിക്കുകയും പ്രാഥമിക ദൗത്യ ലക്ഷ്യങ്ങള്‍ നിറവേറ്റുകയും ചെയ്തുവെന്ന് ഡി.ആര്‍.ഡി.ഒ .

ബംഗളൂരുവിലെ എയറോനോട്ടിക്കല്‍ ഡെവലപ്‌മെന്റ് എസ്റ്റാബ്ലിഷ്‌മെന്റ് വികസിപ്പിച്ച മിസൈല്‍ കപ്പലുകളില്‍ നിന്നടക്കം ആയിരം കിലോമീറ്റര്‍ അകലെയുള്ള കര ലക്ഷ്യങ്ങളിലേക്ക് തൊടുക്കാനാകും. പ്രധാനമായും നാവിക സേനയ്ക്കു വേണ്ടിയാണ് മിസൈല്‍ വികസിപ്പിച്ചെടുത്തത്.