കര്‍ണാടക നിര്‍മിത മദ്യം കടത്തുന്നതിനിടെ രണ്ട് പേര്‍ എക്‌സൈസ് പിടിയില്‍....
കര്‍ണാടക നിര്‍മിത മദ്യം കടത്തുന്നതിനിടെ രണ്ട് പേര്‍ എക്‌സൈസ് പിടിയില്‍. കസര്‍കോട് കാഞ്ഞങ്ങാടാണ് സംഭവം നടന്നത്. മഞ്ചേശ്വരം ബംബ്രാണ കിദൂരിലെ മിതേഷ് (32) , ബംബ്രാണ കളത്തൂര്‍ ചെക്ക് പോസ്റ്റ് സമീപത്തെ പ്രവീണ്‍കുമാര്‍ (37) എന്നിവരാണ് പെട്ടുപോയതി.
ഹോസ്ദുര്‍ഗ് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം ദിലീപും സംഘം ചേര്‍ന്ന് വെള്ളിയാഴ്ച രാത്രി 11.55 മണിയോടെയാണ് പ്രതികളെ പിടികൂടിയത്. കാറില്‍ കടത്തി കൊണ്ടുവന്ന 86.4 ലിറ്റര്‍ കര്‍ണാടക നിര്‍മ്മിത മദ്യവും വാഹനവും കസ്റ്റഡിയിലെടുത്തിട്ടുണ്ട്.
അസിസ്റ്റന്റ് എക്‌സൈസ് ഇന്‍സ്‌പെക്ടര്‍ എം രാജീവന്‍, പ്രിവന്റീവ് ഓഫീസര്‍ ഗ്രേഡ് പി കെ ബാബുരാജ്, സിവില്‍ എക്‌സൈസ് ഓഫീസര്‍മാരായ പി മനോജ്, സിജു, സിവില്‍ എക്‌സൈസ് ഓഫീസര്‍ ഡ്രൈവര്‍ ദിജിത്ത്, ഹോസ്ദുര്‍ഗ് റേഞ്ച് ഓഫീസിലെ സിവില്‍ എക്‌സൈസ് ഓഫീസര്‍ സനല്‍ എന്നിവരും എക്‌സൈസ് സംഘത്തിലുണ്ടായിരുന്നു.
"
https://www.facebook.com/Malayalivartha
