ഡല്‍ഹിയില്‍ വായു മലീനീകരണം രൂക്ഷം....ജന ജീവിതം ദുസ്സഹം. നിരത്തുകളില്‍ ദൂരക്കാഴ്ച ലഭിക്കാതിരുന്ന സാഹചര്യം നൂറിലധികം വിമാനങ്ങളുടെ സര്‍വീസുകളെയാണ് ബാധിച്ചത്.

അന്തരീക്ഷവായുവിന്റെ ഗുണനിലവാരം അപകടാവസ്ഥയിലെത്തി. ഒന്നുമുതല്‍ ഒന്‍പതുവരെയുള്ള ക്ലാസുകള്‍ ഇനിയൊരു അറിയിപ്പ് ലഭിക്കുന്നതുവരെ ഓണ്‍ലൈനാക്കി. ഞായറാഴ്ച ഡല്‍ഹിയില്‍ വായുവിന്റെ ഗുണനിലവാരസൂചിക (എ.ക്യു.ഐ.) 457 കടന്നു. തിങ്കളാഴ്ചയും ഡല്‍ഹിയില്‍ കനത്ത പുകമഞ്ഞിന് സാധ്യത്. ഡല്‍ഹിയിലെ എല്ലാ സ്റ്റേഷനുകളിലും 400-നുമുകളിലാണ് എ.ക്യു.ഐ.


ഡല്‍ഹിയിലെ ബവാന (490), അശോക് വിഹാര്‍ (487), വസീര്‍പുര്‍ (483) എന്നിവിടങ്ങളിലും വായുവിന്റെ ഗുണനിലവാരം ഗുരുതരാവസ്ഥയിലെത്തിയിട്ടുണ്ടായിരുന്നു. മലിനീകരണനിയന്ത്രണം ലക്ഷ്യമിട്ടുള്ള കമ്മിഷന്‍ ഫോര്‍ എയര്‍ ക്വാളിറ്റി മാനേജ്മെന്റിന്റെ കര്‍മപദ്ധതിയുടെ മൂന്നാംഘട്ടമാണ് ഡല്‍ഹിയില്‍ പ്രാബല്യത്തിലുള്ളത്.

നിര്‍മാണപ്രവര്‍ത്തനങ്ങളും നിര്‍ത്തിവെച്ചിരിക്കുന്നു. ഖനനപ്രവര്‍ത്തനങ്ങള്‍, ഇലക്ട്രിക്, സി.എന്‍.ജി. വാഹനങ്ങള്‍ക്കൊഴികെ പെട്രോള്‍, ഡീസല്‍ വാഹനങ്ങള്‍ക്കും നിയന്ത്രണമുണ്ട്.