അഫ്ഗാനിസ്ഥാനില്‍ ഭൂചലനം. വെള്ളിയാഴ്ച പുലര്‍ച്ചെ അഫ്ഗാനിസ്ഥാനിലെ ബദഖ്ഷാന്‍ മേഖലയില്‍ റിക്ടര്‍ സ്‌കെയിലില്‍ 4.4 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായി നാഷണല്‍ സെന്റര്‍ ഓഫ് സീസ്മോളജി (എന്‍സിഎസ്) റിപ്പോര്‍ട്ട് ചെയ്തു.

ഇന്ത്യന്‍ സമയം രാവിലെ 6:35 നാണ് ഭൂചലനം അനുഭവപ്പെട്ടത്. നാഷണല്‍ സെന്റര്‍ ഓഫ് സീസ്മോളജിയുടെ കണക്കനുസരിച്ച് 82 കിലോമീറ്റര്‍ ആഴത്തിലാണ് ഭൂചലനമുണ്ടായത്.
അഫ്ഗാനിസ്ഥാനിലെ ബദഖ്ഷാന്‍ പ്രകൃതിക്ഷോഭം ഏറെയുള്ള പര്‍വതപ്രദേശമാണ്. റിക്ടര്‍ സ്‌കെയിലില്‍ 4.4 ഉം 3.9 ഉം രേഖപ്പെടുത്തിയ രണ്ട് ഭൂചലനങ്ങളാണ് ഈ ആഴ്ച ആദ്യം ഈ മേഖലയില്‍ ഉണ്ടായത്.