അമ്മാവന്റെ അടിയേറ്റ് മൂന്ന് വയസ്സുകാരി മരിച്ചു... തെളിവ് നശിപ്പിക്കാന്‍ കുറ്റക്കാട്ടില്‍ കൊണ്ട് പോയി കത്തിച്ചു
അമ്മാവന്റെ കരണത്തടിയേറ്റ് മൂന്ന് വയസുകാരി മരിച്ച സംഭവത്തില്‍ 38 കാരനെ അറസ്റ്റ് ചെയ്തു. മഹാരാഷ്ട്രയിലെ താനെ ജില്ലയിലാണ് സംഭവം. തെളിവ് നശിപ്പിക്കാന്‍ മൃതദേഹം കത്തിക്കാനും ശ്രമിച്ചു. ശ്രമിച്ച 38 കാരനെ അറസ്റ്റ് ചെയ്തു. താനെയിലെ ഉല്ലാസ് നഗറില്‍ തിങ്കളാഴ്ചയാണ് മകളെ കാണാനില്ലെന്ന് അമ്മ പോലീസില്‍ പരാതി നല്‍കിയത്. ഉല്ലാസ്നഗര്‍ ഹില്‍ ലൈന്‍ പോലീസ് സ്റ്റേഷനു സമീപത്തെ കുറ്റിക്കാട്ടില്‍ നിന്ന് വ്യാഴാഴ്ചയാണ് പെണ്‍കുട്ടിയുടെ ഭാഗികമായി കത്തിക്കരിഞ്ഞ മൃതദേഹം കണ്ടെത്തിയത്.
തിങ്കളാഴ്ച വീട്ടില്‍ തന്റെ മരുമകളുമായി കളിക്കുകയായിരുന്ന ഇയാള്‍ കളിയായി മരുമകളെ തല്ലുകയായിരുന്നുവെന്നാണ് വിവരം. അടിയുടെ ആഘാതം ശക്തമായതിനാല്‍ പെണ്‍കുട്ടി വീണു തലയിടിച്ച് സംഭവസ്ഥലത്ത് തന്നെ മരിച്ചു.
അയാള്‍ ഉടന്‍ തന്നെ അവളുടെ മൃതദേഹം മറയ്ക്കുകയും, പിന്നീട്, മകളെ കാണാതായെന്ന് പരാതിപ്പെടാന്‍ സഹോദരിയോടൊപ്പം പോലീസ് സ്റ്റേഷനില്‍ വരികയും ചെയ്തു. കുടുംബം കുട്ടിയുടെ ചിത്രങ്ങള്‍ സോഷ്യല്‍ മീഡിയയില്‍ പങ്കുവെക്കുകയും എന്തെങ്കിലും വിവരങ്ങള്‍ നല്‍കാന്‍ ആളുകളോട് അഭ്യര്‍ത്ഥിക്കുകയും ചെയ്തു.
ബുധനാഴ്ച മഹാരാഷ്ട്ര നിയമസഭാ തെരഞ്ഞെടുപ്പില്‍ വോട്ട് ചെയ്യാന്‍ ആളുകള്‍ പോയത് മുതലെടുത്ത് പ്രതിയും ഭാര്യയും റിക്ഷക്കാരനായ സുഹൃത്തും ചേര്‍ന്ന് മൃതദേഹം കുറ്റിക്കാട്ടിലേക്ക് കൊണ്ടുപോയി കത്തിക്കാന്‍ ശ്രമിച്ചു.
വ്യാഴാഴ്ച പോലീസ് മൃതദേഹത്തിനായി തിരച്ചില്‍ ആരംഭിച്ചു. ഈ ശ്രമത്തില്‍ മൂവരും ചേര്‍ന്നു. റിക്ഷാക്കാരന്‍ മൃതദേഹം കണ്ടെത്തിയെങ്കിലും സംശയത്തെത്തുടര്‍ന്ന് പോലീസ് രണ്ടുപേരെയും കസ്റ്റഡിയിലെടുത്തു. ചോദ്യം ചെയ്യലില്‍ മൃതദേഹം കത്തിച്ചതായി സമ്മതിച്ചെങ്കിലും പെണ്‍കുട്ടിയെ കൊലപ്പെടുത്തുകയായിരുന്നില്ലെന്ന് അവര്‍ പറഞ്ഞു. പരിഭ്രാന്തരായി കുട്ടിയുടെ മൃതദേഹം ഒളിപ്പിച്ചതായും പിന്നീട് അത് കളയാന്‍ ശ്രമിച്ചതായും ഇയാള്‍ പോലീസിനോട് സമ്മതിച്ചു.
https://www.facebook.com/Malayalivartha
