മഹാരാഷ്ട്രയില്‍ മഹായുതി സഖ്യത്തിന് ചരിത്രം വിജയം കരസ്ഥമാക്കാന്‍ അക്ഷീണം പ്രയത്‌നിച്ച ബിജെപി പ്രവര്‍ത്തകര്‍ക്ക് നന്ദി അറിയിച്ച് കേന്ദ്ര ആഭ്യന്തര മന്ത്രി അമിത് ഷാ...


പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള ഡബിള്‍ എഞ്ചിന്‍ സര്‍ക്കാരിനോടുള്ള ജനങ്ങളുടെ വിശ്വാസമാണ് ഈ തെരഞ്ഞെടുപ്പ് ഫലത്തിലൂടെ പ്രകടമാകുന്നതെന്നും ബിജെപി നേതാക്കളുടെയും പ്രവര്‍ത്തകരുടെയും കഠിനാധ്വാനത്തിന്റെ ഫലമാണിതെന്നും അമിത് ഷാ എക്‌സില്‍ കുറിക്കുകയുണ്ടായി.

മഹാരാഷ്ട്രയിലെ ജനങ്ങള്‍ പ്രീണന രാഷ്ട്രീയത്തെ തള്ളിക്കളഞ്ഞു. മഹായുതി സഖ്യത്തിന്റെ പ്രവര്‍ത്തനങ്ങളില്‍ ജനങ്ങള്‍ വീണ്ടും വിശ്വാസമര്‍പ്പിക്കുകയായിരുന്നു. പ്രധാനമന്ത്രിയുടെ നേതൃത്വത്തില്‍, രാജ്യം വികസനത്തിന്റെയും വിശ്വാസത്തിന്റെയും മനോഹരമായ ഒരു കാലഘട്ടത്തിലേക്ക് കടക്കുകയാണ്. രാജ്യത്തെ ജനങ്ങള്‍ക്ക് മോദിയില്‍ പൂര്‍ണവിശ്വാസമുണ്ടെന്ന് അവര്‍ തെളിയിച്ചു.

വനവാസി സമൂഹത്തിന്റെ ക്ഷേമത്തിനാണ് കേന്ദ്ര സര്‍ക്കാര്‍ മുന്‍ഗണന നല്‍കുന്നത്. അത് ഝാര്‍ഖണ്ഡിലെ ജനങ്ങള്‍ തിരിച്ചറിഞ്ഞു. വികസിത ഇന്ത്യ കെട്ടിപ്പടുക്കുന്നതിനുള്ള ബിജെപിയുടെ യാത്ര തുടര്‍ന്നുകൊണ്ടിരിക്കും. ഉപതെരഞ്ഞെടുപ്പുകളില്‍ വിജയിച്ച എല്ലാ നേതാക്കള്‍ക്കും അഭിനന്ദനങ്ങളെന്നും അമിത് ഷാ എക്‌സില്‍ കുറിച്ചിട്ടുണ്ട്.