അതിര്‍ത്തിയില്‍ നിന്ന് പാക്-ചൈന സംഘങ്ങളെ പറപ്പിക്കാന്‍ എത്തുന്നു ഇന്ത്യയ്ക്ക് പുത്തന് കരുത്തന്‍
പുത്തന് കരുത്തന്‍ എത്തുന്നതിന്റെ ആവേശത്തിലാണ് ഇന്ത്യന്‍ പ്രതിരോധസേന. മാസങ്ങളായുള്ള കാത്തിരിപ്പിനുശേഷം ആദ്യ മൂന്ന് എ എച്ച് 64ഇ അപ്പാച്ചെ അറ്റാക്ക് ഹെലികോപ്ടറുകള്‍ സ്വന്തമാക്കാനൊരുങ്ങുകയാണ് ഇന്ത്യന്‍ ആര്‍മി. ലോകത്തിലെ അത്യാധുനിക അറ്റാക് ഹെലികോപ്ടറാണിത്. അതിര്‍ത്തികളില്‍ തലപൊക്കുന്ന പാകിസ്ഥാനും ചൈനയ്ക്കും ഇനി മുട്ടിടിയ്ക്കും. ഇരുകൂട്ടര്‍ക്കും ഇപ്പോഴേ ഭയം തുടങ്ങിയിട്ടുണ്ട്. ബോയിംഗില്‍ നിന്നുള്ള ഹെലികോപ്ടറുകള്‍ ഡിസംബറിലെത്തും. വ്യോമ മേഖലയില്‍ സേനയ്ക്ക് വലിയ കരുത്ത് നല്‍കുന്നതാവും ഈ ആക്രമണ ഹെലികോപ്ടറുകള്‍.
ഹെലികോപ്ടറിലെ പ്രധാന ഘടകങ്ങള്‍ ലഭിക്കാത്തത് മൂലം ഫെബ്രുവരിയില്‍ നടക്കേണ്ട ഡെലിവറി ഡിസംബറിലേയ്ക്ക് മാറ്റുകയായിരുന്നു. അടുത്തമാസം തന്നെ ഡെലിവറിയുണ്ടാകുമെന്ന് ബോയിംഗും സ്ഥിരീകരിച്ചിട്ടുണ്ട്. പിന്നീടുള്ള മാസങ്ങളില്‍ കൂടുല്‍ ഹെലികോപ്ടറുകളെത്തും. പടിഞ്ഞാറന്‍ അതിര്‍ത്തികളിലും വിജനമായ പ്രദേശങ്ങളിലുമായിരിക്കും ഈ ഹെലികോപ്ടറുകള്‍ സ്റ്റേഷന്‍ ചെയ്യുകയെന്നാണ് വിവരം. തുറന്ന പ്രദേശങ്ങളിലുള്ള പ്രവര്‍ത്തനത്തിനായാണ് അപ്പാച്ചെ ഹെലികോപ്ടറുകള്‍ കൂടുതലായും ഉപയോഗിക്കുന്നത്.
കരയില്‍ പ്രവര്‍ത്തിക്കുന്ന സൈനികര്‍ക്ക് വ്യോമ പിന്തുണ നല്‍കും. ശത്രുക്കളുടെമേല്‍ കൃത്യമായ ആക്രമണം നടത്തുകയും രഹസ്യാന്വേഷണ ദൗത്യങ്ങള്‍ നടത്തുകയും ചെയ്യുന്നതിലൂടെ അപ്പാച്ചെകള്‍ ഇന്ത്യയുടെ പ്രതിരോധശേഷി വര്‍ദ്ധിപ്പിക്കും. ഇന്ത്യന്‍ വ്യോമസേനയുടെ പക്കല്‍ 22 അപ്പാച്ചെകളുണ്ട്. 2022ലാണ് അപ്പാച്ചെകള്‍ക്കുള്ള കരാറില്‍ ഇന്ത്യന്‍ ആര്‍മി ഒപ്പുവയ്ക്കുന്നത്. പുതിയ ഹെലികോപ്ടറുകള്‍ എത്തുന്നതോടെ ആര്‍മിയും വ്യോമസേനയും സംയുക്തമായി പ്രവര്‍ത്തിക്കാന്‍ സാധിക്കുമെന്നാണ് വിലയിരുത്തല്‍.
സവിശേഷതകള്‍
ബോയിംഗ് എ എച്ച് 64ഇ അപ്പാച്ചെ ശക്തമായ അമേരിക്കന്‍ നിര്‍മിത ആക്രമണ ഹെലികോപ്ടറാണ്. ഇരട്ട ടര്‍ബോ ഷാഫ്റ്റ് എഞ്ചിന്‍, ടെയില്‍ വീല്‍ ലാന്‍ഡിംഗ് ഗിയര്‍, രണ്ട് ക്രൂ അംഗങ്ങള്‍ക്കായി ടാന്‍ഡം കോക്പിറ്റ്, അത്യാധുനിക സെന്‍സറുകള്‍, നൈറ്റ് വിഷന്‍ എന്നിവയാണ് ഇതിന്റെ പ്രധാന പ്രത്യേകതകള്‍.
എയര്‍ക്രാഫ്റ്റിന്റെ പ്രധാന ബോഡിയായ അപ്പാച്ചെയുടെ ഫ്രണ്ട് ഫ്യൂസ്‌ലേജിന് കീഴില്‍ 30 എംഎം എം230 ചെയിന്‍ ഗണ്‍ ഘടിപ്പിച്ചിരിക്കുന്നു. എജിഎം114 ഹെല്‍ഫയര്‍ മിസൈലുകള്‍, ഹൈഡ്ര 70 റോക്കറ്റ് പോഡുകള്‍ തുടങ്ങിയ ആയുധങ്ങള്‍ വഹിക്കാന്‍ സ്റ്റബ് ചിറകുകളില്‍ നാല് ഹാര്‍ഡ് പോയിന്റുകള്‍ ഉണ്ട്. യുദ്ധസമയത്തെ കേടുപാടുകള്‍ നേരിടാന്‍ കഴിയുന്ന രീതിയിലാണ് രൂപകല്‍പ്പന.
ലോകത്തെ ഏറ്റവും അത്യാധുനിക മള്‍ട്ടിമിഷന്‍ അറ്റാക്ക് ഹെലികോപ്ടറായാണ് എഎച്ച്64ഇ അപ്പാച്ചെയെ ബോയിംഗ് വിശേഷിപ്പിക്കുന്നത്. ഡിജിറ്റല്‍ ആശയവിനിമയത്തിനുള്ള സൗകര്യം, മികച്ച അതിജീവന ശേഷി, പൈലറ്റുമാര്‍ക്ക് തീരുമാനമെടുക്കാനുള്ള പിന്തുണ എന്നിവയും ഇതിന്റെ പ്രത്യേകതകളാണ്.
https://www.facebook.com/Malayalivartha
