പാര്‍ലമെന്റ് മന്ദിരത്തിന് മുന്നില്‍വെച്ച് പ്രിയങ്കാ ഗാന്ധിയുടെ ചിത്രം ഫോണില്‍ പകര്‍ത്തി സഹോദരന്‍ രാഹുല്‍ ഗാന്ധി. സത്യപ്രതിജ്ഞയ്ക്കായി തനി കേരള സ്റ്റൈലില്‍ കസവ് സാരിയുടുത്തെത്തിയ പ്രിയങ്ക പാര്‍ലമെന്റിനുള്ളിലേക്ക് പ്രവേശിക്കുന്നതിനിടെയാണ് സംഭവം. മാധ്യമപ്രവര്‍ത്തകര്‍ പ്രിയങ്കയുടെ ചിത്രങ്ങള്‍ പകര്‍ത്തിയതിന് പിന്നാലെയായിരുന്നു രാഹുലും പോക്കറ്റില്‍നിന്ന് ഫോണെടുത്ത് സഹോദരിയുടെ ചിത്രങ്ങള്‍ പകര്‍ത്തിയത്.


മുന്നോട്ടുനടന്നുവന്ന പ്രിയങ്കയെ പിടിച്ചുനിര്‍ത്തി 'സ്റ്റോപ്പ്, സ്റ്റോപ്പ്... ഞാനുമൊരു പടമെടുക്കട്ടെ എന്ന് പറഞ്ഞുകൊണ്ടായിരുന്നു രാഹുലിന്റെ ഫോട്ടോയെടുക്കല്‍'. ബെന്നി ബെഹ്നാന്‍, എംകെ രാഘവന്‍, അടൂര്‍ പ്രകാശ്, ഹൈബി ഈഡന്‍, ഡീന്‍ കുര്യാക്കോസ്, കൊടിക്കുന്നില്‍ സുരേഷ് തുടങ്ങി കേരളത്തില്‍നിന്നുള്ള എംപിമാരും പ്രിയങ്കയെക്കൊപ്പമുണ്ടായിരുന്നു. ഇതിനിടെ ബെന്നി ബെഹ്നാന്‍ രാഹുലിനെ ഞങ്ങളുടെ എക്‌സ് എംപി എന്ന് വിശേഷിപ്പിക്കുമ്പോള്‍ മറ്റുള്ളവര്‍ പൊട്ടിച്ചിരിക്കുന്നതും വീഡിയോയില്‍ കാണാം.