സൗത്ത് ഡെല്‍ഹിയിലെ നെബ് സറായിയില്‍ മൂന്നംഗ കുടുംബത്തെ കുത്തേറ്റ് മരിച്ച നിലയില്‍ കണ്ടെത്തി....
സൗത്ത് ഡെല്‍ഹിയിലെ നെബ് സറായിയില്‍ മൂന്നംഗ കുടുംബത്തെ കുത്തേറ്റ് മരിച്ച നിലയില്‍ കണ്ടെത്തി. രാജേഷ്(53), ഭാര്യ കോമള്‍(47), മകള്‍ കവിത(23)എന്നിവരാണ് കൊല്ലപ്പെട്ടത്.
ദമ്പതികളുടെ മകന്‍ പ്രഭാത നടത്തത്തിന് പോയിരിക്കുകയായതിനാല്‍ രക്ഷപ്പെടുകയായിരുന്നു. മകന്‍ തിരിച്ചെത്തിയപ്പോഴാണ് മാതാപിതാക്കളെയും സഹോദരിയെയും കുത്തേറ്റ് മരിച്ച നിലയില്‍ കണ്ടത്.
വിവരം ലഭിച്ചയുടന്‍ പൊലീസ് സംഘം സംഭവ സ്ഥലത്തേക്ക് എത്തി. വീട്ടില്‍ കവര്‍ച്ചയോ അടിപിടിയോ നടന്നതിന്റെ സൂചനകളില്ലെന്നു പൊലീസ് . വലിയ ശബ്ദം കേട്ടാണ് വീട്ടിലെത്തിയതെന്ന് അയല്‍പക്കത്ത് താമസിക്കുന്നവരും മൊഴി നല്‍കി.
വീട്ടിലെത്തിയപ്പോഴാണ് താന്‍ പ്രഭാത നടത്തത്തിന് പോയിരിക്കുകയായിരുന്നുവെന്നും തിരിച്ചെത്തിയപ്പോള്‍ കണ്ടത് ഇതാണെന്നും മകന്‍ അയല്‍ക്കാരോട് പറഞ്ഞു. അന്ന് മാതാപിതാക്കളുടെ വിവാഹ വാര്‍ഷികദിനമായിരുന്നുവെന്നും ആശംസ അറിയിച്ചിട്ടാണ് താന്‍ നടക്കാന്‍ പോയതെന്നും മകന്‍ പറഞ്ഞതായും അയല്‍ക്കാരിലൊരാള്‍ വ്യക്തമാക്കി.
https://www.facebook.com/Malayalivartha
