ഇരുപത്തിയെട്ടുകാരിയെ യുവതിയെ ബലാത്സംഗം ചെയ്ത് കൊലപ്പെടുത്തി. ബംഗ്ലദേശ് യുവതിക്കാണ് ദാരുണാന്ത്യം സംഭവിച്ചിരിക്കുന്നത്. മൃതദേഹം ഇന്ന് രാവിലെയോടെ കല്‍കെരെ തടാകത്തിനു സമീപത്ത് നിന്നാണ് കണ്ടെത്തിയത്. കഴുത്തു ഞെരിച്ചു കൊലപ്പെടുത്തിയ നിലയിലായിരുന്നു മൃതദേഹം. പോസ്റ്റ്മോര്‍ട്ടത്തിലാണ് യുവതി ലൈംഗികമായി പീഡിപ്പിക്കപ്പെട്ടുവെന്ന് വ്യക്തമായത്.

6 വര്‍ഷമായി ഭര്‍ത്താവിനും മൂന്നു കുട്ടികള്‍ക്കുമൊപ്പം ബെംഗളൂരുവില്‍ താമസിക്കുകയായിരുന്നു യുവതി. നഗരത്തിലെ സ്വകാര്യ അപാര്‍ട്‌മെന്റുകളില്‍ വീട്ടുജോലി ചെയ്തായിരുന്നു ഉപജീവനം നടത്തിയിരുന്നത്. വ്യാഴാഴ്ച ജോലി കഴിഞ്ഞിറങ്ങിയ യുവതി വീട്ടിലെത്തിയിരുന്നില്ല. തുടര്‍ന്ന്, നടത്തിയ തിരച്ചിലിലാണ് തടാകത്തിനു സമീപമുള്ള ആളൊഴിഞ്ഞ പ്രദേശത്ത്‌നിന്നും മൃതദേഹം ലഭിച്ചത്. ഭര്‍ത്താവിന്റെ പരാതിയില്‍ ലൈംഗികാതിക്രമത്തിനും കൊലപാതകത്തിനും പൊലീസ് കേസെടുത്തു.