അദ്ഭുതകരമായി രക്ഷപ്പെടൽ പലരുടെയും ജീവിതത്തിൽ പലപ്പോഴും സംഭവിക്കാറുള്ളതാണ് . മരണത്തെ മുൻപിൽ കണ്ട് ഒരു നിമിഷം കൊണ്ട് ജീവൻ തിരികെ ലഭിക്കുന്ന ആളുകളുടെ അനുഭവങ്ങൾ പലപ്പോഴും നമ്മളെ അത്ഭുതപ്പെടത്താറുണ്ട് . അത്തരത്തിലൊരു രക്ഷപ്പെടുത്താൽ വിഡിയോയായാണ് ഇപ്പോൾ സമൂഹ മാധ്യമങ്ങളിൽ വൈറലാവുന്നത് . സംഭവം നടക്കുന്നത് മുംബൈയിലാണ് . ഡോംബിവ്‌ലിയിലെ ദേവിച്ചപാഡയിൽ കെട്ടിടത്തിന്റെ മൂന്നാം നിലയിൽനിന്നു വീണ 2 വയസ്സുകാരൻ അദ്ഭുതകരമായി രക്ഷപ്പെട്ടു. കുട്ടിയെ രക്ഷിക്കാൻ ഓടിയെത്തിയ യുവാവിന്റെ അവസരോചിത ഇടപെടലാണു വലിയ അപകടം ഒഴിവാക്കിയത്.

ഭാവേഷ് എന്നയാളാണ് കെട്ടിടത്തിൽ നിന്ന് കുട്ടിയെ രക്ഷപ്പെടുത്തിയത്.13 നില കെട്ടിടത്തിന്റെ മൂന്നാം നിലയിൽ കളിക്കുകയായിരുന്ന കുട്ടി ബാൽക്കണിയിലെ വിടവിലൂടെയാണ് താഴേക്കു വീണത്.കുട്ടി കാൽവഴുതി വീഴുന്നതു കണ്ട ഭവേഷ് മാത്രെ എന്ന യുവാവു കുട്ടിയെ കയ്യിൽ താങ്ങിപ്പിടിക്കാൻ ഓടിയെത്തുകയായിരുന്നു. പൂർണമായി കയ്യിൽ ഒതുങ്ങിയില്ലെങ്കിലും യുവാവിന്റെ ശ്രമം വീഴ്ചയുടെ ആഘാതം കുറയ്ക്കാൻ സഹായകമായി. ആശുപത്രിയിലെത്തിച്ച കുട്ടിയെ സിടി സ്കാൻ അടക്കമുള്ള പരിശോധനകൾക്കു വിധേയമാക്കിയ ഡോക്ടർമാർ കാര്യമായ പരുക്കുകളില്ലെന്ന് അറിയിച്ചിട്ടുണ്ട്.‘‘കൂട്ടുകാരന്റെ വീട്ടിൽനിന്ന് തിരിച്ചുവരുന്ന വഴിയാണ് മുൻപിലെ കെട്ടിടത്തിലെ മുകളിലെ നിലയിൽനിന്ന് കുട്ടി വീഴുന്നത് കണ്ടത്.

ഉടൻ കുട്ടിയെ രക്ഷിക്കാൻ ഓടി.ഇരുകയ്യും നീട്ടി കുട്ടിയെ പിടിക്കാനായിരുന്നു ശ്രമം. പക്ഷേ, കയ്യിൽനിന്ന് വഴുതി കാലിലും തട്ടിയ ശേഷം കുട്ടി താഴേക്കു വീഴുകയായിരുന്നു.’– ഭവേഷ് മാത്രെ പറഞ്ഞു. കുട്ടിയെ രക്ഷിക്കാൻ ശ്രമിക്കുന്നതിനിടെ ഭവേഷിന്റെ കൈകൾക്കു പരുക്കേറ്റിട്ടുണ്ട്. സംഭവത്തിന്റെ വിഡിയോ സമൂഹമാധ്യമങ്ങളിൽ പ്രചരിച്ചതോടെ യുവാവിന്റെ ശ്രമത്തെയും ആത്മാർഥതയെയും പ്രശംസിച്ച് ഒട്ടേറെപ്പേർ രംഗത്തെത്തി.വീട്ടിൽ പെയിൻ്റിംഗ് ജോലികൾ നടക്കുന്നുണ്ടെന്നും അതിനാലാണ് ഗ്രില്ലിലെ ചില്ല് നീക്കം ചെയ്തതെന്നും വീട്ടുികാർ പറയുന്നു.

ഇതിനിടെ ഗാലറിയിൽ കളിച്ചുകൊണ്ടിരുന്ന കുട്ടി തുറന്ന ഗ്ലാസിൻ്റെ വിടവിലൂടെ വീഴുകയായിരുന്നു. ഏതായാലും നിരവധി ആളുകളാണ് ഭാവേഷ്ചെയ്ത പ്രവർത്തിയെ പ്രശംസിച്ചു കൊണ്ട് രംഗത്ത് വരുന്നത് . അദ്ദേഹത്തിന്റെ ദൈവത്തിന്റെ കൈകളായിരുന്നു അത് മനുഷ്യനിലൂടെ കണ്ടു . ദൈവം മനുഷ്യർക്ക് മുൻപിൽ മനുഷ്യന്റെ രൂപത്തിൽ തന്നെയാണ് പ്രത്യക്ഷപ്പെടാറുള്ളത് അതിനിപ്പോൾ നമ്മൾ കണ്ടത് എന്നിങ്ങനെ പോകുന്നു സോഷ്യൽ മീഡിയ കമന്റുകൾ . ഏതായലും ആ വീഡിയോ കണ്ട നമ്മളും ഒരു നിമിഷം സ്തംഭിച്ചു പോവും , ഏതായാലും കുഞ്ഞ് സുരക്ഷിതമായിരിക്കുന്നു . ആരോഗ്യ പ്രശ്നങ്ങൾ ഒന്നുമില്ലെന്ന് ഡോക്ടർമാർ അറിയിച്ചു .