അരവിന്ദ് കേജ്രിവാളിന്റെ ആരോപണത്തിനു മറുപടിയുമായി നരേന്ദ്ര മോദി: പ്രധാനമന്ത്രി കുടിക്കുന്ന വെള്ളത്തില് ഹരിയാനയിലെ ബിജെപി സര്ക്കാര് വിഷം കലര്ത്തുമോ
![](https://www.malayalivartha.com/assets/coverphotos/w657/326286_1738154985.jpg)
യമുന നദിയില് ഹരിയാന സര്ക്കാര് വിഷം കലര്ത്തുന്നെന്ന ആം ആദ്മി പാര്ട്ടി നേതാവ് അരവിന്ദ് കേജ്രിവാളിന്റെ ആരോപണത്തിനു മറുപടിയുമായി പ്രധാനമന്ത്രി നരേന്ദ്ര മോദി. പ്രധാനമന്ത്രി കുടിക്കുന്ന വെള്ളത്തില് ഹരിയാനയിലെ ബിജെപി സര്ക്കാര് വിഷം കലര്ത്തുമോ എന്നു മോദി ചോദിച്ചു. ആരോപണം തെളിയിക്കാനുള്ള വിവരങ്ങള് ഇന്നു വൈകിട്ട് 8 മണിക്കുള്ളില് നല്കണമെന്നു കേജ്രിവാളിനോട് കേന്ദ്ര തിരഞ്ഞെടുപ്പു കമ്മിഷന് ആവശ്യപ്പെട്ടിരുന്നു.
''യമുനയുടെ പേരു പറഞ്ഞാണ് അവര് വോട്ടു ചോദിച്ചത്. അവര്ക്കതില് ലജ്ജയില്ല. വെള്ളത്തിനായി ഡല്ഹിക്കാര് യാചിക്കണമെന്നാണ് അവരുടെ ആരോപണം. രാഷ്ട്രീയ നേട്ടത്തിനായി എഎപി പാപം ചെയ്തു. ചരിത്രം അവര്ക്കു മാപ്പു നല്കില്ല. ഡല്ഹിയും അവരെ വെറുതെ വിടില്ല. നിങ്ങള്ക്കു ശുദ്ധമായ വെള്ളം ബിജെപി തരും. വെറുപ്പ് പടര്ത്തുന്ന ആരോപണമാണ് ഉന്നയിച്ചത്. ഹരിയാനക്കാരും ഡല്ഹിയില് താമസിക്കുന്നില്ലേ? അപ്പോള് അവര് ഡല്ഹിയിലേക്കുള്ള വെള്ളത്തില് വിഷം കലക്കുമോ? ഈ വെള്ളം തന്നെയാണു പ്രധാനമന്ത്രിയും കുടിക്കുന്നത്.''- തിരഞ്ഞെടുപ്പ് പ്രചാരണ റാലിയില് മോദി പറഞ്ഞു.
വ്യാജ ആരോപണങ്ങള് ഉയര്ത്തി ജനങ്ങളെ ആശങ്കപ്പെടുത്തുന്ന കേജ്രിവാളിനെ തിരഞ്ഞെടുപ്പു പ്രചാരണത്തില്നിന്നു വിലക്കണമെന്നാവശ്യപ്പെട്ടു ബിജെപി തിരഞ്ഞെടുപ്പ് കമ്മിഷനു പരാതി നല്കിയിരുന്നു. ''ഹരിയാനയിലെ ബിജെപിക്കാര് വെള്ളത്തില് വിഷം കലര്ത്തി ഡല്ഹിയിലേക്ക് അയയ്ക്കുകയാണ്. ജലത്തില് കലരുന്ന വിഷം ശുദ്ധീകരണ പ്ലാന്റുകളില് ശുചീകരിക്കാന് കഴിയുന്നില്ല. ഡല്ഹിയിലെ ജനങ്ങളുടെ സുരക്ഷയ്ക്കായി പല പ്രദേശങ്ങളിലും ജലവിതരണം നിര്ത്തണം''- കഴിഞ്ഞ ദിവസം കേജ്രിവാള് പറഞ്ഞു. വെള്ളത്തിലെ അമോണിയയുടെ നില ഉയര്ന്ന പശ്ചാത്തലത്തിലായിരുന്നു ആരോപണങ്ങള്.
https://www.facebook.com/Malayalivartha