മുന്‍ മുഖ്യമന്ത്രി അന്തരിച്ച ജയലളിതയുടെ പേരിലുള്ള 1562 ഏക്കര്‍ ഭൂമിയുടെ രേഖകള്‍, 27 കിലോ സ്വര്‍ണം, വെള്ളി, വജ്രാഭരണങ്ങള്‍ തുടങ്ങിയവ തമിഴ്നാട് അഴിമതി വിരുദ്ധ വകുപ്പിന് കൈമാറാന്‍ ബംഗളൂരു പ്രത്യേക കോടതി ഉത്തരവ്
മുന്‍ മുഖ്യമന്ത്രി അന്തരിച്ച ജയലളിതയുടെ പേരിലുള്ള 1562 ഏക്കര്‍ ഭൂമിയുടെ രേഖകള്‍, 27 കിലോ സ്വര്‍ണം, വെള്ളി, വജ്രാഭരണങ്ങള്‍ തുടങ്ങിയവ തമിഴ്നാട് അഴിമതി വിരുദ്ധ വകുപ്പിന് കൈമാറാന്‍ ബംഗളൂരു പ്രത്യേക കോടതി ഉത്തരവ്.
ജയലളിതക്കെതിരായ അനധികൃത സ്വത്ത് സമ്പാദന കേസിന്റെ ഭാഗമായി പരിശോധനയില്‍ പിടിച്ചെടുത്ത വസ്തുക്കള്‍ കൈമാറാനാണ് ബംഗളൂരു പ്രത്യേക കോടതി ജഡ്ജി എച്ച്.എ. മോഹന്റെ ഉത്തരവുള്ളത്.
1991-96 കാലഘട്ടത്തില്‍ തമിഴ്നാട് മുഖ്യമന്ത്രിയായിരുന്ന ജയലളിതക്കെതിരെ വരുമാനത്തില്‍ കവിഞ്ഞ 66 കോടി രൂപയുടെ സ്വത്ത് സമ്പാദിച്ചെന്ന കുറ്റമാണ് ചുമത്തിയിരുന്നത്. തുടര്‍ന്ന് ജയലളിതയുടെ വസതിയില്‍ നടത്തിയ റെയ്ഡില്‍ തമിഴ്നാട് അഴിമതി വിരുദ്ധ വകുപ്പ് സ്വര്‍ണം, വജ്രാഭരണങ്ങള്‍, വെള്ളി വസ്തുക്കള്‍, രത്‌നക്കല്ലുകള്‍, വാച്ചുകള്‍ എന്നിവയുള്‍പ്പെടെ നിരവധി വസ്തുക്കള്‍ പിടിച്ചെടുത്തു. കര്‍ണാടകയിലായിരുന്നു കേസിന്റെ വിചാരണ നടന്നത് .
https://www.facebook.com/Malayalivartha
