മഹാ കുംഭമേളയില്‍ വീണ്ടും തീപിടുത്തം:നിരവധി പന്തലുകള്‍ കത്തിനശിച്ചു; സംഭവത്തില്‍ ജീവഹാനി സംഭവിച്ചതായി റിപ്പോര്‍ട്ടില്ല
മഹാ കുംഭമേളയില്‍ വീണ്ടും തീപിടുത്തം ഉണ്ടായതായി റിപ്പോര്‍ട്ട്. പ്രയാഗ്രാജില്‍ നടന്നുകൊണ്ടിരിക്കുന്ന മഹാകുംഭമേളയുടെ സെക്ടര്‍-22-ലെ തീപിടിത്തത്തില്‍ നിരവധി പന്തലുകള്‍ കത്തിനശിച്ചു. എന്നാല്‍, അഗ്‌നിശമനസേന യഥാസമയം തീ നിയന്ത്രണ വിധേയമാക്കി. ഈ സംഭവത്തില്‍ ജീവഹാനി സംഭവിച്ചതായി വിവരമില്ല. തീപിടിത്തത്തിന്റെ കാരണം നിലവില്‍ അറിവായിട്ടില്ല. ഭക്തരോട് സമാധാനം പാലിക്കണമെന്ന് അഭ്യര്‍ത്ഥിക്കുന്ന ഉദ്യോഗസ്ഥര്‍ സംഭവത്തില്‍ അന്വേഷണം ആരംഭിച്ചിട്ടുണ്ട്.
ഈ തീപിടിത്തത്തില്‍ 15 ടെന്റുകള്‍ കത്തിനശിച്ചതായാണ് വിവരം. തീപിടിത്തത്തെക്കുറിച്ച് വിവരം ലഭിച്ചയുടന്‍ അഗ്‌നിശമനസേനയെ വിവരമറിയിച്ചു. എന്നാല്‍, ടെന്റിലേക്ക് എത്താന്‍ റോഡില്ലാത്തതിനാല്‍ സംഘത്തിന് എത്താന്‍ ബുദ്ധിമുട്ടായിരുന്നു. ഇത് വകവെക്കാതെ അഗ്‌നിശമന സേന കൃത്യസമയത്ത് എത്തി വലിയ അപകടങ്ങളൊന്നും കൂടാതെ തീ നിയന്ത്രണ വിധേയമാക്കി.
https://www.facebook.com/Malayalivartha
